ലോക്സഭാ തെരഞ്ഞെടുപ്പിലെ കനത്ത തോൽവിക്ക് പിന്നാലെ പത്തനംതിട്ട സിപിഎമ്മിൽ പരസ്യ പ്രതിഷേധം. ഏരിയ കമ്മിറ്റി അംഗത്തിന്റെ ഫേസ്ബുക്ക് പോസ്റ്റാണ് പുതിയ വിവാദങ്ങൾക്ക് വഴിവെച്ചിരിക്കുന്നത്. (Loksabha election defeat in Pathanamthitta CPM protest)
പത്തനംതിട്ടയിൽ സ്ഥാനാർത്ഥി നിർണയം പാളിയെന്ന സൂചനയാണ് പോസ്റ്റിലുള്ളത്. സംസ്ഥാന കമ്മിറ്റി അംഗം രാജു എബ്രഹാമിന്റെ ചിത്രം വെച്ചാണ് ഏരിയ കമ്മിറ്റി അംഗമായ അൻസാരി അസീസിന്റെ ഫേസ്ബുക്ക് പോസ്റ്റ്.
‘വീട്ടിൽ സ്വർണ്ണം വെച്ചിട്ട് എന്തിന് നാട്ടിൽ തേടി നടപ്പൂ’- എന്നായിരുന്നു പോസ്റ്റ്. എന്നാൽ തോൽവിക്ക് പിന്നാലെ ഇട്ട പോസ്റ്റ് വിവാദമായതോടെ അൻസാരി അസീസ് ഡിലീറ്റ് ചെയ്യുകയായിരുന്നു.
അതേസമയം പത്തനംതിട്ടയില് 66,119 വോട്ടിന്റെ ഭൂരിപക്ഷത്തോടെയാണ് യുഡിഎഫ് സ്ഥാനാര്ത്ഥി ആന്റോ ആന്ററണി വിജയം നേടിയത്. എല്ഡിഎഫ് സ്ഥാനാര്ത്ഥി ഡോ. തോമസ് ഐസക് രണ്ടാം സ്ഥാനത്തേക്ക് പിന്തള്ളപ്പെട്ടു. 3,67623 വോട്ടുകളാണ് ആന്റോ ആന്റണി നേടിയത്.
Read More: ചരിത്ര വിജയം ആഘോഷമാക്കി ബിജെപി; സുരേഷ് ഗോപിക്ക് വൻ സ്വീകരണം
Read More: ടി20 ലോകകപ്പ്: ഇന്ത്യയുടെ ബൗളിങ് കരുത്തില് വീണ് അയര്ലന്ഡ്; നൂറു കടന്നില്ല; വിജയലക്ഷ്യം 97 റണ്സ്
