വൈദ്യുതി ഉപയോഗം അതിരുകടക്കുന്ന സാഹചര്യത്തിൽ സംസ്ഥാനത്ത് കൂടുതൽ മേഖലകളിൽ നിയന്ത്രണത്തിനുള്ള ഉത്തരവ് ഇന്ന് ഇറങ്ങും. ഇത് സംബന്ധിച്ച ചാർട്ട് അതാത് സ്ഥലങ്ങളിലെ ചീഫ് എൻജിനീയർമാർ തയ്യാറാക്കി ഉത്തരവിറക്കും. വൈകിട്ട് ഏഴു മുതൽ പുലർച്ചെ ഒരുമണിവരെയുള്ള സമയത്താണ് ഇടവിട്ടുള്ള നിയന്ത്രണം കൊണ്ടുവരിക. ആവശ്യകത കൂടിയ സ്ഥലങ്ങളിലാണ് ഈ നിയന്ത്രണം ബാധകമാവുക. ഇന്നലെ പാലക്കാട് ട്രാൻസ്മിഷൻ സർക്കിളിൽ കീഴിലെ സബ്സ്റ്റേഷനുകളിൽ ഏർപ്പെടുത്തിയ നിയന്ത്രണമാണ് കൂടുതൽ മേഖലകളിലേക്ക് വ്യാപിപ്പിക്കുന്നത്.
ആളുകൾ വൈദ്യുതി ഉപ്പയോഗത്തിന്റെ കാര്യത്തിൽ സ്വയം നിയന്ത്രണം ഏർപ്പെടുത്തണമെന്ന് കെഎസ്ഇബി നിർദ്ദേശം നൽകി. എസി ഉപയോഗത്തിലാണ് പ്രധാനമായും നിർദ്ദേശം നൽകിയിരിക്കുന്നത്. വീടുകളിൽ എസിയുടെ ഊഷ്മാവ് 256 ഡിഗ്രിയിലും താഴെ പോകാതെ നോക്കണം എന്നതാണ് പ്രധാനമായും കെഎസ്ഇബി പറയുന്നത്. ഇതോടൊപ്പം വാട്ടർ അതോറിറ്റിയുടെ പമ്പിങ് സമയവും പുനക്രമീകരിക്കും. രാത്രി പമ്പിങ് ഒഴിവാക്കണമെന്നാണ് നിർദ്ദേശിച്ചിരിക്കുന്നത്.
