കൊച്ചി: പാലാരിവട്ടത്ത് യുവാക്കളുടെ വ്യാപക ആക്രമണം. രണ്ടിടങ്ങളിലായി പോലീസിനും വാഹനങ്ങള്ക്കുമെതിരെയടക്കം ആക്രമണം നടന്നു. പാലാരിവട്ടം സംസ്കാര ജങ്ഷനില് നടുറോഡില് കത്തിയുമായി പരാക്രമം കാണിച്ച രണ്ടു യുവാക്കളെ പോലീസ് പിടികൂടിയിട്ടുണ്ട്.
നഗരത്തിൽ വ്യാഴാഴ്ച്ച രാത്രി 12.15-ഓടെയാണ് സംഭവം നടന്നത്. നാട്ടുകാരുടെ പരാതിയെ തുടര്ന്നെത്തിയ പോലീസ് സംഘത്തിന് നേരെയും പ്രതികള് അക്രമം നടത്തുകയായിരുന്നു. സംഭവത്തില് പാലാരിവട്ടം സ്വദേശി പ്രവീണിനെയും സുഹൃത്ത് കോഴിക്കോട് സ്വദേശി റെസ്ലിയെയും ആണ് പോലീസ് കസ്റ്റഡിയിലെടുത്തത്.
കൂടാതെ മട്ടാഞ്ചേരിയില് റോഡരികില് പാര്ക്ക് ചെയ്തിരുന്ന മൂന്ന് കാറുകളുടെയും ഒരു ഓട്ടോറിക്ഷയുടെയും ചില്ലുകള് അടിച്ചു തകര്ത്തിട്ടുണ്ട്. മട്ടാഞ്ചേരി കരുവേലിപ്പടി ആര്.കെ. പിള്ള റോഡിലാണ് സംഭവം. സമീപവാസികളായ ഉവൈസ്, സഫ്വാന്, അജ്മല്, എന്നിവരുടെ കാറുകളും മുഹമ്മദ് ഷമീറിന്റെ ഓട്ടോയുടെയും ചില്ലുമാണ് തകർത്തത്.
