രാജീവ് ചന്ദ്രശേഖറിനെ ഫോണിൽ വിളിച്ച് അഭിനന്ദിച്ചു
തിരുവനന്തപുരം: ബിജെപി ആദ്യമായി കോർപ്പറേഷൻ അധികാരം ഉറപ്പിച്ച തിരുവനന്തപുരത്ത് പ്രധാനമന്ത്രി നരേന്ദ്ര മോദി സന്ദർശനം നടത്തുമെന്ന് സൂചന.
ഇക്കാര്യം സംസ്ഥാന അധ്യക്ഷൻ രാജീവ് ചന്ദ്രശേഖറിനെ പ്രധാനമന്ത്രി നേരിട്ട് അറിയിച്ചതായാണ് വിവരം.
ഫോൺ സംഭാഷണത്തിലൂടെ തെരഞ്ഞെടുപ്പ് വിജയത്തിൽ അഭിനന്ദനം അറിയിച്ച പ്രധാനമന്ത്രി, തിരുവനന്തപുരത്ത് എത്തുന്ന കാര്യവും സൂചിപ്പിച്ചെങ്കിലും തീയതി ഇതുവരെ തീരുമാനമായിട്ടില്ല.
തിരുവനന്തപുരം കോർപ്പറേഷനിൽ ബിജെപി–എൻഡിഎ സഖ്യത്തിന് ലഭിച്ച ഭൂരിപക്ഷത്തിന് നന്ദി അറിയിച്ച് പ്രധാനമന്ത്രി നരേന്ദ്ര മോദി കഴിഞ്ഞ ദിവസം എക്സിലൂടെ പ്രതികരിച്ചിരുന്നു.
ഈ വിജയം കേരള രാഷ്ട്രീയത്തിലെ നിർണായക നിമിഷമാണെന്ന് അദ്ദേഹം വ്യക്തമാക്കി.
സംസ്ഥാനത്തിന്റെ വികസന അഭിലാഷങ്ങൾ സഫലമാക്കാൻ ബിജെപിക്കേ കഴിയൂവെന്ന് ജനങ്ങൾക്ക് ഉറപ്പുണ്ടെന്നും, ഊർജസ്വലമായ നഗരത്തിന്റെ വളർച്ചയ്ക്കായി പാർട്ടി പ്രതിബദ്ധതയോടെ പ്രവർത്തിക്കുമെന്നും പ്രധാനമന്ത്രി കുറിച്ചു.
ജനങ്ങളുടെ ജീവിതം കൂടുതൽ സുഗമമാക്കുന്ന ഭരണമാണ് ബിജെപി ഉറപ്പുനൽകുന്നതെന്നും അദ്ദേഹം പറഞ്ഞു.
പ്രധാനമന്ത്രി തിരുവനന്തപുരത്തെത്തുമ്പോൾ നഗരത്തിലെ ബിജെപി മേയർ അദ്ദേഹത്തെ സ്വീകരിക്കുമെന്ന് രാജീവ് ചന്ദ്രശേഖർ നേരത്തെ വ്യക്തമാക്കിയിരുന്നു.
തദ്ദേശ തെരഞ്ഞെടുപ്പിൽ ബിജെപിക്ക് ലഭിച്ച വിജയം വലിയ മുന്നേറ്റമാണെന്നും, തിരുവനന്തപുരത്ത് മാറ്റം കൊണ്ടുവരാൻ കഴിഞ്ഞുവെന്നും അദ്ദേഹം പറഞ്ഞു.
ഇനി നിയമസഭാ തെരഞ്ഞെടുപ്പിലും ജനങ്ങൾ മാറ്റം ആഗ്രഹിക്കുന്നുണ്ടെന്നും, അതിനായി ശക്തമായ പ്രവർത്തനം തുടരുമെന്നും രാജീവ് ചന്ദ്രശേഖർ അറിയിച്ചു.
English Summary:
Prime Minister Narendra Modi is expected to visit Thiruvananthapuram after the BJP secured control of the city corporation for the first time. Modi reportedly congratulated state BJP president Rajeev Chandrasekhar over the phone for the electoral victory. Calling the result a landmark moment in Kerala politics, the Prime Minister said the BJP-NDA alliance is committed to the city’s development. Chandrasekhar stated that the BJP’s success marks a major shift and that the party will work towards bringing similar change in the upcoming assembly elections.
pm-modi-visit-thiruvananthapuram-bjp-corporation-victory
Thiruvananthapuram Corporation, BJP, Narendra Modi, Rajeev Chandrasekhar, Kerala local body elections, BJP NDA, Kerala politics, Mayor, Assembly elections
