തിരുവനന്തപുരത്ത് എത്തുന്ന പ്രധാനമന്ത്രി നാടിന് സമർപ്പിക്കുന്നത് ഇവയൊക്കെ
തിരുവനന്തപുരം: ബിജെപി അധികാരത്തിൽ എത്തിയതിന് ശേഷം ആദ്യമായി തലസ്ഥാന നഗരിയിലെത്തുന്ന പ്രധാനമന്ത്രി നരേന്ദ്ര മോദി 529 കോടി രൂപയുടെ വികസന പദ്ധതികൾ നാടിന് സമർപ്പിക്കും.
റെയിൽവേ മന്ത്രാലയത്തിന്റെ കീഴിലുള്ള പദ്ധതികളുടെ ഉദ്ഘാടനമാണ് പ്രധാനമായും നടക്കുക. ഇതോടൊപ്പം ആറ് പുതിയ ട്രെയിനുകൾക്കും പ്രധാനമന്ത്രി ഫ്ലാഗ് ഓഫ് ചെയ്യും. ജനുവരി 23 നാണ് പ്രധാനമന്ത്രിയുടെ തിരുവനന്തപുരം സന്ദർശനം.
ആറ് ട്രെയിനുകളിൽ നാലെണ്ണം കേരളത്തിനും രണ്ടെണ്ണം തമിഴ്നാടിനുമാണ്. കേരളത്തിന് ലഭിക്കുന്ന ട്രെയിനുകൾ തിരുവനന്തപുരം–താംബരം, നാഗർകോവിൽ–മംഗളൂരു, തിരുവനന്തപുരം–ഹൈദരാബാദ്, ഗുരുവായൂർ–തൃശ്ശൂർ പാസഞ്ചർ എന്നിവയാണ്.
തമിഴ്നാടിന് നാഗർകോവിൽ–ചാർലപ്പള്ളി ട്രെയിനും കോയമ്പത്തൂർ–ധൻബാദ് അമൃത് ഭാരത് എക്സ്പ്രസുമാണ് അനുവദിച്ചത്.
ഇതിനുപുറമെ ഷോർണൂർ–നിലമ്പൂർ റെയിൽവേ പാതയുടെ വൈദ്യുതീകരണവും ചെന്നൈ ബീച്ച്–ചെന്നൈ എഗ്മൂർ നാലാം പാതയുമായി ബന്ധപ്പെട്ട പ്രഖ്യാപനങ്ങളും ഉണ്ടാകുമെന്ന് സൂചനയുണ്ട്.
തിരുവനന്തപുരം നഗരത്തിന്റെ അടുത്ത അഞ്ച് വർഷത്തെ വികസനരേഖയും പ്രധാനമന്ത്രി പ്രഖ്യാപിക്കുമെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അറിയിച്ചിരുന്നു.
പ്രധാനമന്ത്രിയുടെ പ്രഖ്യാപനങ്ങൾക്കായി തലസ്ഥാനവാസികൾ ആകാംക്ഷയോടെ കാത്തിരിക്കുകയാണ്.
English Summary
Prime Minister Narendra Modi will dedicate projects worth ₹529 crore during his visit to Thiruvananthapuram on January 23, marking his first visit to the state capital after the BJP came to power. The event will feature the inauguration of several railway projects under the Ministry of Railways and the flagging off of six new trains. Four of these trains are allocated to Kerala and two to Tamil Nadu. Additionally, key railway infrastructure announcements, including electrification and new track projects, are expected. The Prime Minister is also set to unveil a five-year development roadmap for Thiruvananthapuram.
pm-modi-thiruvananthapuram-visit-529-crore-railway-projects
Narendra Modi, Thiruvananthapuram, Railway Projects, BJP, Kerala News, Indian Railways, Development Projects, Rajeev Chandrasekhar
