ഐൽ ഓഫ് വൈറ്റിലെ ബെംബ്രിഡ്ജിനുടുത്തുള്ള വൈറ്റ് ക്ലിഫ് ബേ ഹോളിഡേ പാർക്കിൽ ചെറുവിമാനം ഇടിച്ചിറങ്ങി തകർന്നതിനെ തുടർന്ന് രണ്ടു പേർക്ക് പരിക്ക് . ഇടിച്ചിറങ്ങിയ വിമാനത്തിന് തീപിടിച്ചെങ്കിലും തീപിടുത്തത്തിന് മുൻപ് തന്നെ എല്ലാ യാത്രക്കാരും പുറത്തിറങ്ങി.
അപകടത്തിൽ രണ്ടുപേർക്ക് പരിക്കേറ്റെന്നും എന്നാൽ പരിക്ക് ഗുരുതരമല്ലെന്നുമാണ് സൂചന. പരിക്കേറ്റവർക്ക് അപകട സ്ഥലത്ത് വെച്ചുതന്നെ ചികിത്സ നൽകാനായി. എന്നാൽ പരിക്കേറ്റവരുടെ വിശദാംശങ്ങൾ അധികൃതർ പുറത്തു വിട്ടിട്ടില്ല. അപകടം നടക്കുമ്പോൾ പാർക്ക് തുറന്നിട്ടുണ്ടായിരുന്നു.
അപകടത്തെ തുടർന്ന് റോഡുകളോ മറ്റ് ഗതാഗത മാർഗങ്ങളിലോ നിയന്ത്രമം ഏർപ്പെടുത്തേണ്ടി വന്നിട്ടില്ല.
സ്വകാര്യ ആശുപത്രിയിൽ ചികിത്സയിലായിരുന്ന ഒൻപത് വയസ്സുകാരി മരിച്ചു: ആശുപത്രിക്കെതിരെ ബന്ധുക്കൾ
കായംകുളത്ത് സ്വകാര്യ ആശുപത്രിയിൽ ചികിത്സയിലായിരുന്ന ഒൻപത് വയസ്സുകാരി മരിച്ചു. ചേരാവള്ളി ചിറക്കടവം ലക്ഷ്മി ഭവനത്തിൽ അജിത്തിന്റെയും ശരണ്യയുടെയും മകൾ ആദി ലക്ഷ്മി (9) ആണ് മരിച്ചത്.ഗവ. എൽപി സ്കൂളിലെ മൂന്നാം ക്ലാസ് വിദ്യാർഥിയാണ് ആദി ലക്ഷ്മി.
ശനിയാഴ്ച രാവിലെയാണ് സംഭവം. പനിയും വയറു വേദനയുമായി വ്യാഴാഴ്ചയാണ് കുട്ടിയെ ആശുപത്രിയിൽ പ്രവേശിപ്പിച്ചത്. സ്കാനിങ്ങിലും മറ്റു പരിശോധനകളിലും കുട്ടിക്കു കുഴപ്പങ്ങൾ ഒന്നുമില്ലെന്നാണ് ആശുപത്രി അധികൃതർ അറിയിച്ചിരുന്നതെന്ന് കുട്ടിയുടെ ബന്ധുക്കൾ പറയുന്നു.
ഇന്ന് രാവിലെ കുത്തിവയ്പ് എടുത്തതിന് പിന്നാലെ കുട്ടി ഉറക്കത്തിലായി. ഇതോടെ ഉറക്കത്തിലായ കുട്ടി ഉണരാതെ വന്നതോടെ ഡോക്ടർ പരിശോധിച്ചു. തുടർന്ന് മരണം സ്ഥിരീകരിക്കുകയായിരുന്നു.
ഇതോടെ രോഷാകുലരായ ബന്ധുക്കൾ ആശുപത്രി അധികാരികളോട് തട്ടിക്കയറുകയും ആശുപത്രിയുടെ ജനൽ ചില്ലുകൾ തല്ലിത്തകർക്കുകയും ചെയ്തു. മൃതദേഹം പോസ്റ്റുമോർട്ടത്തിനായി ആലപ്പുഴ മെഡിക്കൽ കോളജ് ആശുപത്രിയിലേക്ക് മാറ്റി.
