കാഠ്മണ്ഡു: നേപ്പാളിലെ കാഠ്മണ്ഡുവിൽ ടേക്ക്ഓഫിനിടെ വിമാനം തകർന്നു വീണു. ത്രിഭുവൻ അന്താരാഷ്ട്ര വിമാനത്താവളത്തിലാണ് അപകടം ഉണ്ടായത്. ശൗര്യ എയർലൈൻസിൻ്റെ വിമാനമാണ് തകർന്നു വീണത്.(plane carrying 19 people crashes during takeoff in Kathmandu)

അപകടത്തിൽ അഞ്ചു മൃതദേഹങ്ങൾ കണ്ടെത്തിയതായി നേപ്പാൾ മാധ്യമങ്ങൾ റിപ്പോർട്ട് ചെയ്തിട്ടുണ്ട്. റൺവേയിൽ നിന്ന് തെന്നിമാറിയാണ് അപകടം ഉണ്ടായതെന്നാണ് വിവരം. വിമാനത്തിൽ ജീവനക്കാരടക്കം 19 പേരാണ് ഉണ്ടായിരുന്നത്. രാവിലെ 11 മണിയോടെയാണ് അപകടം നടന്നത്. സംഭവ സ്ഥാനത്ത് പോലീസും ഫയർഫോഴ്‌സും എത്തി രക്ഷാപ്രവർത്തനം പുരോഗമിക്കുകയാണ്.