കോഴിക്കോട്: മിനി പിക്കപ്പ് വാൻ മറിഞ്ഞ് അപകടം. ഒരാൾ മരിച്ചു, 16 പേർക്ക് പരിക്കേൽക്കുകയും ചെയ്തിട്ടുണ്ട്. കോഴിക്കോട് കൂടരഞ്ഞി പഞ്ചായത്തിലെ മേലെ കൂമ്പാറയിൽ ആണ് അപകടം നടന്നത്.(Pick up van accident at kozhikode; one died)
ഏഴ് മണിയോടെയാണ് അപകടം നടന്നത്. ഓടിക്കൊണ്ടിരിക്കെ വാഹനം വളവിൽനിന്ന് നിയന്ത്രണംവിട്ട് മറിയുകയായിരുന്നു. 200 മീറ്റർ താഴ്ചയിലേക്കാണ് വാഹനം മറിഞ്ഞത്. ഡ്രൈവർ ഉൾപ്പടെ 17 പേരാണ് വണ്ടിയിൽ ഉണ്ടായിരുന്നത്. പരിക്കേറ്റവരെ ആശുപത്രിയിലേക്ക് മാറ്റി.
വാഹനം ചെന്ന് പതിച്ചതിനെ തുടർന്ന് ഒരു വീടിന്റെ മുകൾ ഭാഗം തകർന്നിട്ടുണ്ട്. അപകട സ്ഥലത്തു നിന്ന് ആളുകളെ മാറ്റുന്നതിനിടയിൽ പൊലീസും ആളുകളുമായി സംഘർഷവും നടന്നു.
