ന്യുഡൽഹി: ഫോർബ്‌സിന്റെ 2025-ലെ ശതകോടീശ്വരന്മാരുടെ പട്ടിക പുറത്തിറങ്ങി. ഇന്ത്യയിൽ നിന്ന് 205 പേരാണ് പട്ടികയിൽ ഇടം പിടിച്ചത്. കഴിഞ്ഞ വർഷം ഇത് 200 ആയിരുന്നു.
ഇന്ത്യൻ ശതകോടീശ്വരന്മാരുടെ മൊത്തം ആസ്തി 941 ബില്യൺ ഡോളറാണെന്ന് റിപ്പോർട്ടിൽ പറയുന്നു. കഴിഞ്ഞ വർഷം ഇത് 954 ബില്യൺ ഡോളറായിരുന്നു. 116 ബില്യൺ ഡോളർ ആസ്തിയുമായി മുകേഷ് അംബാനി ഇന്ത്യയിലെ ഏറ്റവും ധനികനായ വ്യക്തിയായി തുടരുകയാണ്.
ടെസ്‌ല, സ്‌പേസ് എക്‌സ് സിഇഒ ഇലോൺ മസ്‌ക് ആണ് ലോകത്തിലെ ഏറ്റവും വലിയ ധനികൻ. മസ്കിൻ്റെ ആസ്തി 342 ബില്യൺ ഡോളറാണ്.
മെറ്റാ സിഇഒ മാർക്ക് സക്കർബർഗ് ആണ് രണ്ടാം സ്ഥാനത്ത്. അദ്ദേഹത്തിൻ്റെ ആസ്തി 216 ബില്യൺ ഡോളറാണ്.
ആമസോൺ സ്ഥാപകൻ ജെഫ് ബെസോസ് മൂന്നാം സ്ഥാനത്താണ്. ഒറാക്കിളിൻ്റെ ലാറി എലിസൺ നാലാം സ്ഥാനത്തുണ്ട്.
പട്ടികയിലെ ഏറ്റവും ധനികരായ 10 ഇന്ത്യക്കാർ ഇവരാണ്
1.മുകേഷ് അംബാനി (ആസ്തി $92.5 ബില്യൺ)
- ഗൗതം അദാനി (ആസ്തി $56.3 ബില്യൺ)
- സാവിത്രി ജിൻഡാലും കുടുംബവും (ആസ്തി $35.5 ബില്യൺ)
- ശിവ് നാടാർ (ആസ്തി $34.5 ബില്യൺ)
- ദിലീപ് ഷാങ്‌വി (ആസ്തി $24.9 ബില്യൺ)
- സൈറസ് പൂനവല്ല (ആസ്തി 23.1 ബില്യൺ ഡോളർ)
- കുമാർ ബിർള (ആസ്തി $20.9 ബില്യൺ)
- ലക്ഷ്മി മിത്തൽ (ആസ്തി $19.2 ബില്യൺ)
- രാധാകിഷൻ ദമാനി (15.4 ബില്യൺ ഡോളർ ആസ്തി)
- കുശാൽ പാൽ സിംഗ് (14.5 ബില്യൺ ഡോളർ)
2025 ലെ പട്ടികയിൽ ലോകമെമ്പാടുമുള്ള 3,028 പേരാണുള്ളത്. ഇതാദ്യമായാണ് കോടീശ്വരന്മാരുടെ എണ്ണം 3,000 കടക്കുന്നത്. അവരുടെ മൊത്തം ആസ്തി ഇപ്പോൾ റെക്കോർഡ് $16.1 ട്രില്യൺ ആണ്.
