പ്രണയം നടിച്ച് 17-കാരിയെ പീഡിപ്പിച്ചു; ദൃശ്യങ്ങൾ പകർത്തി പങ്കുവെച്ചു, രണ്ട് യുവാക്കൾ അറസ്റ്റിൽ
പത്തനംതിട്ട: പത്തനംതിട്ട കോന്നിയിൽ പ്രായപൂർത്തിയാകാത്ത 17-കാരിയെ ലൈംഗികമായി പീഡിപ്പിച്ച കേസിൽ രണ്ട് യുവാക്കൾ അറസ്റ്റിലായി.
തണ്ണിത്തോട് മൂഴി സ്വദേശി അനന്തുവും കൂത്താടിമൺ സ്വദേശി അഭിജിത്തുമാണ് പോലീസിൻ്റെ പിടിയിലായത്.
ദൃശ്യങ്ങൾ പകർത്തി സുഹൃത്തിന് അയച്ചു
അഭിജിത്ത് പെൺകുട്ടിയെ പ്രണയം നടിച്ച് വശീകരിച്ച് പത്തനംതിട്ടയിലെ ഒരു ലോഡ്ജിൽ എത്തിച്ച് പീഡിപ്പിച്ചതായി പോലീസ് പറയുന്നു.
സംഭവത്തിന്റെ ദൃശ്യങ്ങൾ മൊബൈൽ ഫോണിൽ പകർത്തി സുഹൃത്തായ അനന്തുവിന് അയച്ചതായും കണ്ടെത്തി.
ഭീഷണി, വീണ്ടും പീഡനം
തുടർന്ന് ദൃശ്യങ്ങൾ വാട്സാപ്പിലൂടെ പെൺകുട്ടിക്ക് അയച്ച് ഭീഷണിപ്പെടുത്തിയ അനന്തു, പൂങ്കാവിലെ വാടക വീട്ടിലേക്ക് കൊണ്ടുപോയി വീണ്ടും പീഡിപ്പിച്ചുവെന്നാണ് കേസ്.
ഇതും മൊബൈലിൽ പകർത്തിയതായി അന്വേഷണത്തിൽ വ്യക്തമാകുന്നു.
അറസ്റ്റ്
അനന്തുവിനെ കോട്ടയത്തെ വാടകവീട്ടിൽ നിന്നും, അഭിജിത്തിനെ എറണാകുളത്ത് നിന്നുമാണ് കോന്നി പോലീസ് അറസ്റ്റ് ചെയ്തത്. ഇരുവരെയും കോടതിയിൽ ഹാജരാക്കി റിമാൻഡ് ചെയ്തു.
English Summary:
Two young men were arrested in Pathanamthitta’s Konni for allegedly sexually assaulting a 17-year-old girl. Police said one of the accused lured the minor by pretending to be in love and assaulted her at a lodge, recording the act on his mobile phone and sharing it with his friend. The second accused later threatened the girl by sending the visuals through WhatsApp and allegedly assaulted her again at a rented house. Police arrested the accused from different locations and initiated further legal proceedings.
