മഹാരാഷ്ട്ര: ട്രെയിനിൽ നിന്ന് ഇറങ്ങാൻ കഴിയാത്തതിനെ തുടർന്ന് അപായ ചങ്ങല വലിച്ച് യാത്രക്കാരൻ. രാജധാനി ഹസ്രത്ത് നിസാമുദ്ദീൻ രാജധാനി എക്സ്പ്രസിലാണ് സംഭവം. സംഭവത്തിൽ 48-കാരനെതിരെ റെയിൽവേ പോലീസ് കേസെടുത്തു.(Passenger pulls alarm chain on Rajdhani Express)
ഇന്നലെ വൈകുന്നേരം മഹാരാഷ്ട്രയിലെ നാസിക് റോഡ് സ്റ്റേഷനിലാണ് സംഭവം. സഞ്ജീവ് രത്തൻ ചന്ദ് പത്താരിയ എന്നയാൾ ഭാര്യയ്ക്കും മകൾക്കുമൊപ്പം ആണ് യാത്ര ചെയ്തിരുന്നു. മൂവരുടെയും ടിക്കറ്റ് ഇയാളുടെ കയ്യിലാണ് സൂക്ഷിച്ചിരുന്നത്. സ്റ്റേഷനിൽ നിന്ന് ട്രെയിൻ പെട്ടെന്ന് എടുത്തപ്പോൾ സഞ്ജീവിന് ഇറങ്ങാനായില്ല. തുടർന്ന് അപായ ചങ്ങല വലിക്കുകയായിരുന്നു.
അനാവശ്യമായി അലാറം ചങ്ങല വലിച്ചാൽ റെയിൽവേ നിയമനടപടി സ്വീകരിക്കും. ഇതിന്റെ പശ്ചാത്തലത്തിൽ ആർപിഎഫ് ഉദ്യോഗസ്ഥർ ഇയാളെ കസ്റ്റഡിയിലെടുത്ത് ചോദ്യം ചെയ്തു. കൃത്യമായ കാരണമില്ലാതെയാണ് ഇയാൾ ചെയിൻ വലിച്ചതെന്ന് ബോധ്യമായതോടെയാണ് ഇയാൾക്കെതിരെ കേസെടുത്തത്.
