പാസ്പോർട്ട് വെരിഫിക്കേഷനുമായി ബന്ധപ്പെട്ട് വിളിച്ചു വരുത്തി; പൊലീസ് ഉദ്യോഗസ്ഥൻ കടന്നുപിടിച്ചു; സംഭവം കൊച്ചിയിൽ
എറണാകുളം പള്ളുരുത്തി പൊലീസ് സ്റ്റേഷനിലെ സിവിൽ പൊലീസ് ഓഫീസർ (CPO) വിജേഷിനെതിരെ യുവതി ഗുരുതര പരാതി നൽകി.
പാസ്പോർട്ട് വെരിഫിക്കേഷനുമായി ബന്ധപ്പെട്ട് വിളിച്ചു വരുത്തിയ ശേഷം പൊലീസ് ഉദ്യോഗസ്ഥൻ കടന്നുപിടിച്ചുവെന്നതാണ് യുവതിയുടെ ആരോപണം. സംഭവത്തിൽ കൊച്ചി സിറ്റി ഹാർബർ പൊലീസ് വിജേഷിനെതിരെ കേസെടുത്തു.
പാസ്പോർട്ടിന് അപേക്ഷ നൽകിയ യുവതിയെ നടപടിക്രമങ്ങളുടെ ഭാഗമായി വിജേഷ് ആദ്യം ഫോണിൽ ബന്ധപ്പെടുകയായിരുന്നു. തുടർന്ന് വെരിഫിക്കേഷൻ സംബന്ധിച്ച കാര്യങ്ങൾക്കായി നേരിട്ട് കാണണമെന്ന് ആവശ്യപ്പെട്ടു.
ഒരു വാക്ക്വേയിലേക്ക് വരാനായിരുന്നു ഉദ്യോഗസ്ഥന്റെ നിർദേശം. അവിടെ എത്തിയതോടെ തന്നെ അപമാനിക്കുകയും കടന്നുപിടിക്കുകയും ചെയ്തുവെന്നാണ് യുവതി പരാതിയിൽ വ്യക്തമാക്കുന്നത്.
ഹാർബർ പൊലീസ് സ്റ്റേഷൻ പരിധിയിലാണ് സംഭവം നടന്നത്. വിജേഷിന്റെ അറസ്റ്റ് ഉൾപ്പെടെയുള്ള നിയമനടപടികൾ ഉടൻ ഉണ്ടാകുമെന്നാണ് പൊലീസ് വൃത്തങ്ങൾ നൽകുന്ന വിവരം.
ഇതോടൊപ്പം ഉദ്യോഗസ്ഥനെതിരെ വകുപ്പുതല നടപടികളും ആരംഭിക്കും. സ്ത്രീത്വത്തെ അപമാനിക്കൽ ഉൾപ്പെടെയുള്ള ഗുരുതര വകുപ്പുകളാണ് കേസിൽ ചുമത്തിയിരിക്കുന്നത്.
വിജേഷിനെതിരെ മുൻപും സമാന പരാതികൾ ഉയർന്നിട്ടുണ്ടെന്ന വിവരങ്ങളും പുറത്തുവന്നിട്ടുണ്ട്. സംഭവം പൊലീസ് സേനയ്ക്കാകെ വലിയ നാണക്കേടായി മാറിയിരിക്കുകയാണ്.
English Summary
A woman has lodged a serious complaint against CPO Vijesh of Palluruthy Police Station in Ernakulam, alleging sexual misconduct during passport verification. According to the complaint, the officer summoned her to a walkway under the pretext of verification and allegedly assaulted her. Kochi City Harbour Police have registered a case, and Vijesh is likely to be arrested soon. Departmental action has also been initiated. Similar complaints had reportedly been raised against the officer earlier.A woman has lodged a serious complaint against CPO Vijesh of Palluruthy Police Station in Ernakulam, alleging sexual misconduct during passport verification. According to the complaint, the officer summoned her to a walkway under the pretext of verification and allegedly assaulted her. Kochi City Harbour Police have registered a case, and Vijesh is likely to be arrested soon. Departmental action has also been initiated. Similar complaints had reportedly been raised against the officer earlier.
palluruthy-police-officer-vijesh-sexual-harassment-complaint
Ernakulam, Palluruthy police, CPO Vijesh, sexual harassment, passport verification, police misconduct, women safety, Kochi Harbour police
