പള്ളിക്കുന്ന് പള്ളിയും ബ്രിട്ടീഷ് സെമിത്തേരിയും വിദേശികൾക്ക് മുന്നിൽ തുറന്നിട്ട് വെബ്സൈറ്റ്
ഇടുക്കിയിലെ ബ്രിട്ടിഷ് സെമിത്തേരിയും ഡൗണിയെന്ന കുതിരയുടെ കല്ലറയും ഉൾപ്പെടെ ഏറെ ചരിത്ര പ്രാധാന്യം നിറഞ്ഞ പള്ളിക്കുന്ന് പള്ളിയെ (പഴയ ബ്രിട്ടിഷ് ദേവാലയം) ഇനി വെബ്സൈറ്റിലൂടെ അറിയാം.
വിദേശ മിഷണറി റവ. ഹെൻട്രി ബേക്കർ 156 വർഷം മുൻപ് സ്ഥാപിച്ച ദേവാലയത്തെ കുറിച്ചും
ഇന്നും ഇവിടെ തനിമയോടെ സംരക്ഷിച്ചിരിക്കുന്ന നിരവധി ഓർമ്മകളുണ്ട്.
ഫർണിച്ചറുകൾ, ചരിത്ര രേഖകൾ,
മൂന്നാറിലെ തേയിലത്തോട്ടങ്ങളുടെ സൃഷ്ടാവ് ജോൺ ഡാനിയേൽ മൺറോ, അദ്ദേഹത്തിന്റെ ഡൗണി എന്ന കുതിര, ബ്രിട്ടിഷ് സെമിത്തേരിയിൽ വിശ്രമിക്കുന്ന വിദേശികൾ, സഭയിൽ സേവനം അനുഷ്ടിച്ച വിദേശികൾ ഉൾപ്പെടെയുള്ള പുരോഹിതർ, 156 വർഷം പഴക്കമുള്ള കാപ്പി ചെടി എന്നിവയുടെ ചരിത്രവും, പ്രവർത്തനങ്ങളും
വെബ്സൈറ്റിൽ ഉൾകൊള്ളിച്ചിട്ടുണ്ട്.
ചരിത്രാന്വേഷകർ, സഞ്ചാരികൾ, വിദ്യാർഥികൾ എന്നിവർക്ക് ഏറെ പ്രയോജനപ്രദമാണ് വെബ്സൈറ്റിലെ വിവരങ്ങൾ. വിദേശികൾ അടക്കം നിരവധി പേരാണ് പള്ളി സന്ദർശിക്കാൻ എത്തുന്നത്.
സൈറ്റിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് രാരിച്ചൻ നീറണാക്കുന്നേൽ നിർവഹിച്ചു.
സഭയുടെ ഡിജിറ്റലൈസേഷൻ പദ്ധതി പീരുമേട് ഗ്രാമ പ്രസിഡന്റ് ആർ. ദിനേശൻ ഉദ്ഘാടനം ചെയ്തു. റവ. ലിജു എബ്രഹാം അധ്യക്ഷത വഹിച്ചു.
വെബ്സൈറ്റ് ലിങ്ക് https://stgeorgecsichurchofficial.com.
