ഒറ്റപ്പാലത്തെ പ്രെട്രോൾ ബോംബ് ആക്രമണം; യുവാവ് മരിച്ചു

കോഴിക്കോട് കൊയിലാണ്ടി സ്വദേശി വിഷ്ണുവാണ് മരിച്ചത്

പാലക്കാട്: ഒറ്റപ്പാലത്ത് പെട്രോൾ ബോംബ് ആക്രമണത്തിൽ ഗുരുതരമായി പരിക്കേറ്റ് ചികിത്സയിൽ കഴിഞ്ഞിരുന്ന യുവാവ് മരിച്ചു. കോഴിക്കോട് കൊയിലാണ്ടി സ്വദേശി വിഷ്ണുവാണ് മരിച്ചത്. ഒറ്റപ്പാലം ചുനങ്ങാട് വാണി വിലാസിനിയിലാണ് പെട്രോൾ ബോംബ് ആക്രമണം ഉണ്ടായത്.(Ottapalam Pretrol bomb attack; young man died)

ആക്രമണത്തിൽ വിഷ്ണുവിനും ഒപ്പം ഉണ്ടായിരുന്ന പ്രിയേഷനും ഗുരുതരമായി പൊള്ളലേറ്റിരുന്നു. പരിക്ക് ഭേദമായതിനെ തുടർന്ന് പ്രിയേഷ് കഴിഞ്ഞ ദിവസം ആശുപത്രി വിട്ടു. എന്നാൽ 40%ത്തിലധികം പൊള്ളലേറ്റ വിഷ്ണുവിന്റെ മരണം ഇന്ന് പുലർച്ചെ സംഭവിക്കുകയായിരുന്നു.

വീട് നിർമ്മാണത്തിന് എത്തിയ കോഴിക്കോട് സ്വദേശികളായ 6 തൊഴിലാളികൾക്ക് നേരെയാണ് അയൽവാസിയായ നീരജ് പെട്രോൾ ബോംബ് എറിഞ്ഞത്. തൊഴിലാളികൾ തന്നെ കളിയാക്കുന്നുവെന്ന തോന്നലിലാണ് ആക്രമണം നടത്തിയതെന്ന് നീരജ് പൊലീസിനോട് മൊഴി നൽകിയിരുന്നു.