ഫെസ്റ്റിവൽ സീസണുകളിൽ ഓരോ അപ്ലിക്കേഷനുകളും വ്യത്യസ്തമായ ആഘോഷങ്ങൾ സംഘടിപ്പിക്കാറില്ലേ ? ദീപാവലിക്ക് ഒരു കിടിലൻ മത്സരവുമായാണ് ഗൂഗിൾ പേ ഇത്തവണ എത്തിയിരിക്കുന്നത്. അക്ഷരാർഥത്തിൽ ആഘോഷം പൊടിപൊടിക്കുന്ന ഒന്നാണ് ​ഗൂ​ഗിൾ പേ ലഡ്ഡു. (Google Pay Ladoo). നിരവധി ഓഫറുകൾക്ക് പുറമെ ക്യാഷ്ബാക്കുകളും മറ്റുമായും നിരവധി സമ്മാനങ്ങളാണ് കാത്തിരിക്കുന്നത്. google pay released laddoo game for diwali

ദീപാവലി ആഘോഷവുമായി ബന്ധപ്പെട്ട് ഗൂഗിൾ പേ പുറത്തിറക്കിയ ഒരു കളിയാണ് ഗൂ​ഗിൾ പേ ലഡ്ഡു. ആറ് ലഡുകൾ അവതരിപ്പിച്ച ഗൂഗിൾ പേ അത് മൊത്തമായും ലഭിക്കുന്നവർക്ക് 1000 രൂപ വരെയുള്ള ക്യാഷ്ബാക്കാണ് പ്രഖ്യാപിച്ചിരിക്കുന്നത്.

കളർ, ഡിസ്കോ, ട്വിങ്കിൾ, ട്രെൻഡി, ഫുഡി, ദോസ്തി എന്നിങ്ങനെയാണ് ഓരോ ലഡുവിന്റെ പേരുകൾ. ഗൂഗിൾ പേയിൽ ട്രാൻസാക്ഷനുകൾ നടത്തുമ്പോഴാവും ലഡു കൂടുതൽ ലഭിക്കുക. മൊബൈൽ റീചാർജ് ചെയ്താലോ, പണം അയച്ചുകൊടുത്താലോ എല്ലാം ഇവ ലഭിക്കുന്നതാണ്.

കൂടാതെ നമ്മുടെ കയ്യിൽ അധികമുള്ള ലഡു ഒരാൾക്ക് ഗിഫ്റ്റ് ചെയ്യാനും, നമുക്കില്ലാത്തത് റിക്വസ്റ്റ് ചെയ്ത് വാങ്ങാനും സാധിക്കും. ഇതിനകം തന്നെ എല്ലാ ലഡുവും ലഭിച്ച് ക്യാഷ്ബാക്ക് ലഭിച്ചവരും നിരവധിയുണ്ട്. അതിനാൽ, സോഷ്യൽ മീഡിയ ആകെ ലഡുവിനായി ആളുകൾ നെട്ടോട്ടമോടുകയാണ്.