തൃക്കാക്കര: ഓൺലൈൻ മീഡിയ പ്രവർത്തകയെ തൂങ്ങിമരിച്ചനിലയിൽ കണ്ടെത്തി. കാക്കനാട് കുന്നുംപുറം വനിത മിത്രം ഹോസ്റ്റലിൽ ആണ് സംഭവം.
മലപ്പുറം താനൂർ സ്വദേശിനിയായ പോത്തേരി വീട്ടിൽ ഐശ്വര്യ (25) യെയാണ് തൂങ്ങിമരിച്ച നിലയിൽ കണ്ടെത്തിയത്.
കാക്കനാട് ഇൻ്റർ ധ്വനി മീഡിയ അക്കാദമിയിലെ റേഡിയോ ജോക്കിയാണ് ഐശ്വര്യ.
രണ്ട് വർഷമായി മറ്റു രണ്ടു പേർക്കൊപ്പം ഹോസ്റ്റലിൽ താമസിക്കുകയായിരുന്ന ഐശ്വര്യയെ ശനി ഉച്ചക്ക് 12 മണിയോടെയാണ് മരിച്ച നിലയിൽ ഹോസ്റ്റൽ അധികൃതർ കണ്ടെത്തിയത്. പൊലീസ് എത്തി നടപടികൾ ആരംഭിച്ചു.
