കണ്ണൂര്: ചെറുപുഴയില് ടോറസ് ലോറി സ്കൂട്ടറില് ഇടിച്ച് സ്കൂട്ടര് യാത്രക്കാരൻ മരിച്ചു. വെസ്റ്റ് എളേരി നാട്ടക്കല്ല് സ്വദേശി കുമാരന് ആണ് മരിച്ചത്. രാവിലെ ഏഴ് മണിയോടെ ചെറുപുഴ സെന്ട്രല് ബസാര് ജംഗ്ഷനില് വെച്ചാണ് അപകടം നടന്നത്. ഇടിച്ച ടോറസ് ചെറുപുഴ പൊലീസ് കസ്റ്റഡിയിലെടുത്തു.
കുമാരന് ചൂരല് ഭാഗത്തേക്ക് ജോലിക്കായി പോകുന്നതിനിടെയാണ് അപകടം. രാജഗിരി ഭാഗത്തുനിന്നും പെരിങ്ങോം ഭാഗത്തേക്ക് പോവുകയായിരുന്ന ടോറസ് സ്കൂട്ടറില് ഇടിക്കുകയായിരുന്നു. സ്കൂട്ടര് യാത്രക്കാരന് സംഭവ സ്ഥലത്ത് തന്നെ മരിച്ചു. മൃതദ്ദേഹം പരിയാരം മെഡിക്കല് കോളേജ് ആശുപത്രിയില് സൂക്ഷിച്ചിരിക്കുകയാണ്.
Read Also: കുതിപ്പിനിടെ അല്പമൊന്ന് കിതച്ച് സ്വർണവില; ചെറിയ കുറവാണെങ്കിലും വലിയ ആശ്വാസമെന്ന് ആഭരണ പ്രേമികൾ
