കോഴിക്കോട്: നീലേശ്വരം വെടിക്കെട്ട് അപകടത്തിൽ ഒരു മരണം കൂടി. നീലേശ്വരം സ്വദേശി ബിജു(38) ആണ് മരിച്ചത്. ഗുരുതരമായി പൊള്ളലേറ്റ് ചികിത്സയിൽ തുടരുന്നതിനിടെയാണ് മരണം സംഭവിച്ചത്.(Nileswaram fireworks accident; One more person died)
അപകടത്തെ തുടർന്ന് ആറുപേരെയാണ് ഗുരുതരാവസ്ഥയിൽ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചിരുന്നത്. പരിക്കേറ്റവരിൽ കിണാവൂർ സ്വദേശി രതീഷ് ഇന്ന് രാവിലെയും, സന്ദീപ് എന്ന യുവാവ് ഇന്നലെയും മരിച്ചിരുന്നു.
കഴിഞ്ഞ തിങ്കളാഴ്ച അര്ധരാത്രിയായിരുന്നു വെടിക്കെട്ടപകടം നടന്നത്. മൂവാളംകുഴി ചാമുണ്ഡിയുടെ കുളിച്ചുതോറ്റം അരങ്ങിലെത്തിയപ്പോഴായിരുന്നു സംഭവം. പടക്കം പൊട്ടിച്ചപ്പോള് തീപ്പൊരി പടക്കപ്പുരയിലേക്ക് വീഴുകയായിരുന്നു. അപകടത്തില് ഇരുന്നൂറിലേറെ പേര്ക്ക് പരിക്കേറ്റു.
