വ്യാഴാഴ്ച മുതല് ടോള്പിരിവ്; ഒളവണ്ണ ടോൾ പ്ലാസയിൽ നിരക്കുകൾ ഇങ്ങനെ
കോഴിക്കോട്: ദേശീയപാത 66ലെ വെങ്ങളം–രാമനാട്ടുകര ഭാഗത്ത് ടോൾപിരിവ് പുതുവർഷപ്പിറവിയോടെ ആരംഭിക്കും.
കേന്ദ്ര ഉപരിതല ഗതാഗത മന്ത്രാലയം ടോൾനിരക്കുകൾക്ക് അംഗീകാരം നൽകിയതിനെ തുടർന്ന്, ഡിസംബർ 31-ന് അർധരാത്രി 12 കഴിഞ്ഞാൽ ടോൾപിരിവ് ആരംഭിക്കാനാണ് ദേശീയപാത അതോറിറ്റിയുടെ തീരുമാനം.
ടോൾനിരക്ക് സംബന്ധിച്ച വിജ്ഞാപനം രണ്ടുദിവസത്തിനകം പുറത്തിറക്കും. പന്തീരാങ്കാവിലെ ടോൾപ്ലാസയിൽ ട്രയൽ റൺ ഇന്നോ നാളെയോ ആരംഭിക്കുമെന്നും അധികൃതർ അറിയിച്ചു. ടോൾപ്ലാസയുടെ പേര് ഇനി ‘ഒളവണ്ണ ടോൾ പ്ലാസ’ എന്നായിരിക്കും.
കാർ, ജീപ്പ്, ലൈറ്റ് മോട്ടോർ വാഹനങ്ങൾ, വാൻ എന്നിവയ്ക്ക് ഒരു യാത്രയ്ക്ക് 90 രൂപയും ഇരുവശ യാത്രയ്ക്ക് 135 രൂപയുമാണ് ടോൾ.
ലൈറ്റ് കമേഴ്സ്യൽ വാഹനങ്ങൾ, ലൈറ്റ് ഗുഡ്സ് വാഹനങ്ങൾ, മിനി ബസ് എന്നിവയ്ക്ക് ഒരു വശത്തേക്ക് 145 രൂപയും ഇരുവശത്തേക്ക് 215 രൂപയുമാണ് നിരക്ക്.
ബസുകൾക്ക് ഒരു വശത്തേക്ക് 300 രൂപയും ഇരുവശത്തേക്ക് 455 രൂപയുമാണ് ടോൾ ഈടാക്കുക.
English Summary
Toll collection on NH 66 between Vengalam and Ramanattukara in Kozhikode will begin from midnight on December 31. The National Highways Authority decided to start toll collection after receiving approval from the Union Ministry of Road Transport and Highways. Toll rates will be officially notified within two days. A trial run at the Pantheerankavu toll plaza, now renamed Olavanna Toll Plaza, will begin soon. Cars and light vehicles will be charged ₹90 for one-way travel, while buses will be charged up to ₹455 for round trips.
nh66-vengalam-ramanattukara-toll-collection-begins
NH66, Toll Plaza, Kozhikode, Olavanna Toll Plaza, National Highways Authority, Road Transport, Kerala News
