നെടുമങ്ങാട് ജില്ലാ ആശുപത്രിയിൽ പ്രസവത്തിനിടെ കുഞ്ഞ് മരിച്ചു: ഡോക്ടർക്കെതിരെ നടപടി; മനുഷ്യാവകാശ കമ്മീഷൻ അടിയന്തര റിപ്പോർട്ട് തേടി

തിരുവനന്തപുരം: നെടുമങ്ങാട് ജില്ലാ ആശുപത്രിയിൽ പ്രസവശസ്ത്രക്രിയയെത്തുടർന്ന് നവജാതശിശു മരിച്ച സംഭവത്തിൽ സംസ്ഥാന മനുഷ്യാവകാശ കമ്മീഷന്റെ ശക്തമായ ഇടപെടൽ.

ചികിത്സാ പിഴവ് ആരോപിക്കപ്പെട്ട സംഭവത്തിൽ ജില്ലാ മെഡിക്കൽ ഓഫീസർ (DMO) നേരിട്ട് അന്വേഷണം നടത്തി ഒരു മാസത്തിനകം വിശദമായ

റിപ്പോർട്ട് സമർപ്പിക്കണമെന്ന് കമ്മീഷൻ ചെയർപേഴ്സൺ ജസ്റ്റിസ് അലക്സാണ്ടർ തോമസ് ഉത്തരവിട്ടു.

ചികിത്സാ പിഴവ് ആരോപിച്ചു പ്രതിഷേധം ശക്തം; കുറ്റക്കാരായ ഡോക്ടർക്കെതിരെ കേസെടുക്കണമെന്ന് ആവശ്യം

പാലോട് സ്വദേശികളായ ദമ്പതികളുടെ കുഞ്ഞാണ് ശസ്ത്രക്രിയയ്ക്ക് പിന്നാലെ ദാരുണമായി മരണപ്പെട്ടത്.

ആശുപത്രി അധികൃതരുടെ ഭാഗത്തുനിന്നുണ്ടായ ഗുരുതരമായ അനാസ്ഥയാണ് കുഞ്ഞിന്റെ ജീവൻ കവർന്നതെന്ന് ബന്ധുക്കളും നാട്ടുകാരും ആരോപിക്കുന്നു.

സംഭവത്തിൽ ഉത്തരവാദിയായ ഡോക്ടർക്കെതിരെ ക്രിമിനൽ കേസെടുക്കണമെന്ന് ആവശ്യപ്പെട്ട് പൊതുപ്രവർത്തകൻ സൈതലി കായ്പ്പാടി നൽകിയ പരാതിയിലാണ് മനുഷ്യാവകാശ കമ്മീഷൻ ഇപ്പോൾ നടപടി സ്വീകരിച്ചിരിക്കുന്നത്.

സംഭവത്തിൽ വലിയ ജനരോഷം ഉയർന്ന സാഹചര്യത്തിൽ സർക്കാരും പ്രത്യേക അന്വേഷണം പ്രഖ്യാപിച്ചിട്ടുണ്ട്.

ആരോപണവിധേയയായ ഡോക്ടർ ബിന്ദു സുന്ദറിനെ നിർബന്ധിത അവധിയിൽ പ്രവേശിപ്പിച്ചു; ആഭ്യന്തര അന്വേഷണം തുടരുന്നു

വിഷയം വിവാദമായതോടെ ശസ്ത്രക്രിയയ്ക്ക് നേതൃത്വം നൽകിയ ഡോക്ടർ ബിന്ദുവിനെതിരെ പ്രാഥമിക നടപടി സ്വീകരിച്ചു.

അന്വേഷണം പൂർത്തിയാകുന്നത് വരെ ഇവരോട് നിർബന്ധിത അവധിയിൽ പ്രവേശിക്കാൻ ആരോഗ്യവകുപ്പ് നിർദ്ദേശിച്ചു.

കയ്യും കാലും തല്ലിയൊടിക്കും; റവന്യൂ ഉദ്യോഗസ്ഥയെ ഫോണിൽ ഭീഷണിപ്പെടുത്തി ദേവികുളം എംഎൽഎ എ. രാജ

കുഞ്ഞിന്റെ മരണത്തിന് പിന്നിൽ ശസ്ത്രക്രിയയിലെ പിഴവോ അതോ മറ്റേതെങ്കിലും തരത്തിലുള്ള അശ്രദ്ധയോ ഉണ്ടോ എന്ന് ആരോഗ്യവകുപ്പിന്റെ പ്രത്യേക സംഘം പരിശോധിക്കും.

ആശുപത്രിയിലെ ലേബർ റൂം രേഖകളും ഡോക്ടർമാരുടെ മൊഴികളും വരും ദിവസങ്ങളിൽ ശേഖരിക്കും.

ലക്ഷണം കണ്ടിട്ടും വൈകിച്ചോ? ലേബർ റൂമിൽ സംഭവിച്ചതിനെക്കുറിച്ച് കുടുംബം പറയുന്നത് ഇങ്ങനെ

കഴിഞ്ഞ ചൊവ്വാഴ്ചയാണ് പൂർണ ഗർഭിണിയായ നിരഞ്ജനയെ നെടുമങ്ങാട് ജില്ലാ ആശുപത്രിയിൽ പ്രവേശിപ്പിച്ചത്.

സാധാരണ പരിശോധനയ്ക്കായി എത്തിയ നിരഞ്ജനയെ ഡോക്ടർമാരുടെ നിർദ്ദേശപ്രകാരം അഡ്മിറ്റാക്കുകയായിരുന്നു.

ബുധനാഴ്ച പുലർച്ചെ നാല് മണിയോടെ ലേബർ റൂമിലേക്ക് മാറ്റിയെങ്കിലും ഉച്ചയ്ക്ക് രണ്ട് മണിയോടെ മാത്രമാണ് സിസേറിയൻ നടത്തിയത്.

കുഞ്ഞിനെ പുറത്തെടുത്തതിന് പിന്നാലെ മരണം സ്ഥിരീകരിക്കുകയായിരുന്നു. ശ്വാസതടസ്സമാണ് മരണകാരണമെന്നാണ് ആശുപത്രി അധികൃതരുടെ വിശദീകരണം.

എന്നാൽ കൃത്യസമയത്ത് ശസ്ത്രക്രിയ നടത്തിയിരുന്നെങ്കിൽ കുഞ്ഞിനെ രക്ഷിക്കാമായിരുന്നു എന്നാണ് ബന്ധുക്കളുടെ ആരോപണം.

English Summary

The Kerala State Human Rights Commission has demanded a probe into the death of a newborn during a C-section at Nedumangad District Hospital. Chairperson Justice Alexander Thomas directed the DMO to file a report within 30 days following a petition alleging medical negligence.