ഭാരതീയ ജനതാ പാർട്ടിയുടെ നേതൃത്വത്തിലുള്ള മഹായുതി സഖ്യം മഹാരാഷ്ട്രയിൽ ഭൂരിപക്ഷം കൈവരിച്ചു. ബിജെപി, മഹാരാഷ്ട്രയുടെ ചരിത്രത്തിൽ ഏറ്റവും ഉയർന്ന സീറ്റ് എന്ന നിലയിൽ ഇപ്പോൾ ഉയർന്നിരിക്കുകയാണ്. NDA on the verge of historic victory in Maharashtra:
സംസ്ഥാനത്തിന്റെ എല്ലാ മേഖലകളിലും ശക്തമായ മുന്നേറ്റം നടത്തുന്ന എൻഡിഎ 288 സീറ്റുകളിൽ 223 സീറ്റുകളിൽ ലീഡ് ചെയ്യുന്നു. കോൺഗ്രസ് നയിക്കുന്ന മഹാ വികാസ് അഘാഡി (എംവിഎ) 63 സീറ്റുകളിൽ ലീഡ് ചെയ്യുന്നു.
സംസ്ഥാനത്ത് പ്രധാന പ്രതിപക്ഷ നേതാക്കൾ എല്ലാം പിന്നിൽ തുടരുകയാണ്. മഹാരാഷ്ട്രയിലെ ഫലങ്ങൾ പ്രതിപക്ഷത്തിന് അതിശയകരമാണ്.
ആകെ 4,136 സ്ഥാനാർത്ഥികൾ മത്സരിച്ചപ്പോൾ, 2019-ലെ തിരഞ്ഞെടുപ്പിൽ 3,239 പേർ മത്സരിച്ചിരുന്നു. ഇതിൽ 2,086 പേർ സ്വതന്ത്രരായിരുന്നു. 150-ലധികം സീറ്റുകളിൽ വിമതർ മത്സരത്തിലുണ്ടായിരുന്നു.
