ഒമ്പതാം വട്ടവും എകെ ശശീന്ദ്രൻ, എലത്തൂരിൽ മത്സരിക്കും; എന്സിപി സ്ഥാനാര്ത്ഥികളായി
തിരുവനന്തപുരം: വരാനിരിക്കുന്ന നിയമസഭാ തിരഞ്ഞെടുപ്പിനായുള്ള എൻസിപി സ്ഥാനാർഥി പട്ടിക പുറത്തുവന്നു. എലത്തൂർ മണ്ഡലത്തിൽ മന്ത്രി എ.കെ. ശശീന്ദ്രൻ, കുട്ടനാട് മണ്ഡലത്തിൽ തോമസ് കെ. തോമസ്, മലപ്പുറം മണ്ഡലത്തിൽ കെ.ടി. മുജീബ് എന്നിവർ മത്സരിക്കുമെന്ന് പാർട്ടി കേന്ദ്ര നേതൃത്വം തീരുമാനിച്ചു. പട്ടിക ഔദ്യോഗികമായി വൈകിട്ട് പ്രഖ്യാപിക്കുമെന്നാണ് വിവരം.
എലത്തൂരിൽ എ.കെ. ശശീന്ദ്രൻ വീണ്ടും മത്സരിക്കുന്നതിനെതിരെ ജില്ലാ കമ്മിറ്റിയിൽ പ്രതിഷേധം ഉയർന്നിരുന്നു. എന്നിരുന്നാലും പാർട്ടി കേന്ദ്ര നേതൃത്വം അന്തിമ പട്ടിക കൈമാറിയതായാണ് റിപ്പോർട്ട്.
മൂന്ന് സീറ്റുകളിലാണ് എൻസിപി ഇത്തവണ മത്സരിക്കുന്നതെന്ന് മന്ത്രി എ.കെ. ശശീന്ദ്രൻ അറിയിച്ചു. സ്ഥാനാർഥി നിർണ്ണയത്തിലെ അന്തിമ തീരുമാനം പാർട്ടിയുടെ പാർലമെന്ററി ബോർഡിനാണെന്നും അദ്ദേഹം പറഞ്ഞു.
പാർട്ടി നേതൃത്വം എടുത്ത തീരുമാനം എല്ലാവരും അംഗീകരിച്ച് എൽഡിഎഫിനെ വിജയിപ്പിക്കണമെന്നാണ് ആഹ്വാനം. ഈ തെരഞ്ഞെടുപ്പിൽ എൽഡിഎഫ് വൻ ഭൂരിപക്ഷത്തോടെ വിജയിക്കുമെന്ന ആത്മവിശ്വാസവും അദ്ദേഹം പ്രകടിപ്പിച്ചു.
സീറ്റുകൾക്കായി ആവശ്യക്കാരുണ്ടാകുന്നത് സ്വാഭാവികമാണെന്നും എന്നാൽ പാർട്ടി നേതൃത്വത്തിന്റെ തീരുമാനമാണ് അന്തിമമെന്നും എ.കെ. ശശീന്ദ്രൻ കൂട്ടിച്ചേർത്തു.
English Summary
The NCP has finalized its candidates for three constituencies in the upcoming Kerala elections. Minister A.K. Saseendran will contest from Elathur, Thomas K. Thomas from Kuttanad, and K.T. Mujeeb from Malappuram. The party’s central leadership has submitted the candidate list, with the official announcement expected in the evening. There had been protests within the district committee against Saseendran contesting again from Elathur. However, the final decision was made by the party leadership. Saseendran stated that the NCP will contest three seats and that the party’s parliamentary board has the final authority in candidate selection.
