ഹരിപ്പാട്: നാട്ടുകാരെ പുറത്തിറക്കാൻ അനുവദിക്കാതെ വട്ടം കറക്കിയ പരുന്തിനെ പിടികൂടി. ചിങ്ങോലി എട്ടാം വാർഡിലെ താമസക്കാർക്ക് ഭീഷണിയായിരുന്ന പരുന്തിനെയാണ് ഫോറസ്റ്റ് റസ്ക്യൂവെത്തി പിടികൂടിയത്. ഒരു കുട്ടിയെ തന്നെ നാലു തവണയാണ് പരുന്ത് ആക്രമിച്ചത്. മീൻ വിൽപനക്കാർക്ക് സ്ഥിരം ശല്യമായിരുന്നു. പരുന്തിൻ്റെ ആക്രമണത്തിൽ പരിക്കേറ്റ മീൻവിൽനക്കാരൻ ചികിത്സ തേടി.
കഴിഞ്ഞ മൂന്നു മാസത്തിലേറെയായി പ്രദേശത്തെ നാട്ടുകാർക്ക് ശല്യമായിരുന്ന രണ്ടു പരുന്തുകളിലൊന്നിനെ മാത്രമാണ് പിടികൂടാനായത്. നാട്ടുകാർക്ക് വീടിന് വെളിയിൽ ഇറങ്ങാൻ പറ്റാത്ത സ്ഥിതിയായിരുന്നു. കുട്ടികള്‍ക്കടക്കം പലർക്കും പരുന്തിന്റെ ആക്രമണത്തിൽ പരിക്കേറ്റു.
റാന്നിയിലെ വനം വകുപ്പ് ഉദ്യോഗസ്ഥർക്ക് പരുന്തിനെ കൈമാറും. രണ്ടു മാസം മുൻപ് ചിങ്ങോലി ഏഴാം വാർഡിലെ കിഴക്കൻ പ്രദേശത്തെ വീട്ടുകാർക്ക് ഭീഷണിയായ മറ്റൊരു പരുന്തിനെയും പിടികൂടിയിരുന്നു.
