വിദ്യാർത്ഥികളെ ഇറക്കിയ ശേഷം അപകടം; നാദാപുരത്ത് സ്കൂൾ ബസ് കിണറിന് മുകളിൽ കുടുങ്ങി
കോഴിക്കോട്: നാദാപുരത്ത് നിയന്ത്രണം വിട്ട സ്കൂൾ ബസ് കിണറിന് മുകളിലേക്ക് ഇടിച്ചു കയറി. ഇന്ന് വൈകിട്ട് ആറോടെയാണ് അപകടം ഉണ്ടായത്.
പുലിയാവ്–കല്ലുമ്മൽ റോഡിലെ പറമ്പത്ത് പീടികയിൽ, അസ്കറിന്റെ വീടിന് സമീപമുള്ള പറമ്പിലേക്കാണ് ബസ് ഇടിച്ചു കയറിയത്.
കുടുംബവഴക്കിനിടെ പിതാവ് മകളെ വെട്ടിക്കൊലപ്പെടുത്തി
വിദ്യാർത്ഥികളെ ഇറക്കിയ ശേഷം അപകടം
വട്ടോളിയിലെ ഹൈടെക് പബ്ലിക് സ്കൂളിന്റെ ബസാണ് അപകടത്തിൽപ്പെട്ടത്.
സ്കൂൾ സമയം കഴിഞ്ഞ് വിദ്യാർത്ഥികളെ വീടുകളിൽ ഇറക്കിയ ശേഷം ബസ് മടങ്ങിവരികയായിരുന്നു. ഈ സമയത്ത് ബസിൽ ഡ്രൈവർ മാത്രമാണ് ഉണ്ടായിരുന്നത്.
മതിൽ തകർത്ത് കിണറിന് മുകളിലേക്ക്
നിയന്ത്രണം നഷ്ടപ്പെട്ട ബസ് പറമ്പിനോട് ചേർന്ന മതിൽ തകർത്താണ് സമീപത്തെ കിണറിന്റെ മുകളിലേക്ക് ഇടിച്ചു കയറിയത്.
പകുതിയിലധികം വെള്ളമുള്ള കിണറിന്റെ ആൾമറയിൽ തട്ടി ബസ് അപകടകരമായ നിലയിൽ നിർത്തുകയായിരുന്നു.
ഡ്രൈവർ അത്ഭുതകരമായി രക്ഷപ്പെട്ടു
അപകടത്തിൽ ഡ്രൈവർക്ക് പരിക്കുകളൊന്നും സംഭവിച്ചില്ല. വലിയ ശബ്ദം കേട്ട് ഓടിക്കൂടിയ നാട്ടുകാരാണ് ആദ്യം സ്ഥലത്തെത്തി രക്ഷാപ്രവർത്തനം നടത്തിയത്.
വൻ ദുരന്തം തലനാരിഴയ്ക്ക് ഒഴിവായി
ബസിൽ വിദ്യാർത്ഥികൾ ഉണ്ടായിരുന്നെങ്കിൽ വലിയ ദുരന്തം സംഭവിക്കുമായിരുന്നു.
സംഭവത്തിൽ കൂടുതൽ അപകടങ്ങൾ ഒഴിവായത് വലിയ ആശ്വാസമായി.
English Summary:
A school bus narrowly escaped a major accident in Nadapuram, Kozhikode, after it lost control and crashed into a compound near a well today evening. The bus, belonging to Hi-Tech Public School, Vatoli, had already dropped off students and was returning when it rammed through a compound wall and came to a halt on top of a well partially filled with water. The driver, who was the only person inside the bus at the time, escaped unhurt. Local residents rushed to the spot and carried out rescue efforts.
