കിണറ്റിൽ വീണ നാലു വയസുകാരന് രക്ഷകരായി പോലീസ്; സംഭവം മൂവാറ്റുപുഴയിൽ
മൂവാറ്റുപുഴ: മൂവാറ്റുപുഴ പേഴക്കാപ്പിള്ളി പഞ്ചായത്തിലെ പുഞ്ചേരി പ്രദേശത്ത് കിണറ്റിൽ വീണ നാലുവയസ്സുകാരനായ ആൺകുട്ടിയെ മൂവാറ്റുപുഴ പോലീസ് അതിസാഹസികമായി രക്ഷപ്പെടുത്തി.
പരാതിയുമായി ബന്ധപ്പെട്ട അന്വേഷണത്തിന്റെ ഭാഗമായി പ്രദേശത്തെത്തിയ മൂവാറ്റുപുഴ എസ്.ഐ അതുൽ പ്രേം ഉണ്ണിയും സംഘവും നാട്ടുകാരുടെ സമയോചിതമായ ഇടപെടലോടെയാണ് കുട്ടിയെ മരണത്തിൻ്റെവക്കിൽ നിന്ന് തിരികെ കൊണ്ടുവന്നത്.
സ്ഥലത്തെത്തിയപ്പോൾ വീട്ടുകാരുടെ നിലവിളി കേട്ടതോടെ പോലീസ് ജീപ്പ് നിർത്തിയ എസ്.ഐ അതുൽ പ്രേം ഉണ്ണി ഒരു നിമിഷം പോലും വൈകാതെ സ്വന്തം ജീവൻ പണയപ്പെടുത്തി കിണറ്റിലേക്ക് ഇറങ്ങി.
വെള്ളത്തിൽ മുങ്ങിയ നിലയിൽ കിണറിന്റെ അടിയിൽ കുടുങ്ങിയിരുന്ന കുട്ടിയെ അദ്ദേഹം അതിസാഹസികമായി കോരിയെടുത്തു.
എസ്.ഐയോടൊപ്പം ഉണ്ടായിരുന്ന സീനിയർ സിവിൽ പോലീസ് ഓഫീസർ രഞ്ജിത്ത് രാജനും ഉടൻ തന്നെ കിണറ്റിലേക്ക് ഇറങ്ങി.
ഇരുവരും ചേർന്ന് കിണറിനുള്ളിൽ വച്ചുതന്നെ പ്രാഥമിക രക്ഷാപ്രവർത്തനം നടത്തി കുട്ടിയുടെ ജീവൻ നിലനിർത്തുകയായിരുന്നു.
ഇതിനിടെ എ.എസ്.ഐ കെ.എസ്. ഷിനു നാട്ടുകാരെ ഏകോപിപ്പിച്ച് കയറും ഗോവണിയും ഒരുക്കി. രക്ഷപ്പെടുത്തിയ കുട്ടിയെ ഉടൻ തന്നെ പുറത്തെടുത്ത് അടുത്തുള്ള ആശുപത്രിയിൽ പ്രവേശിപ്പിച്ചു.
പുഞ്ചേരി പ്രദേശത്തെ താന്നിച്ചുവട്ടിൽ വീട്ടിൽ ഷിഹാബിന്റെ മകനായ കുട്ടിക്കാണ് പോലീസിന്റെ ധീരവും സമയോചിതവുമായ ഇടപെടലിലൂടെ പുതുജീവൻ ലഭിച്ചത്. പോലീസിന്റെ ഈ മനുഷ്യസ്നേഹപരമായ ഇടപെടൽ നാട്ടുകാരുടെ വലിയ പ്രശംസ നേടി.
English Summary
A four-year-old boy who fell into a well at Punchery in Perakkappilly, Muvattupuzha, was rescued in a daring operation by the Muvattupuzha police with the help of local residents. SI Athul Prem Unni and Senior Civil Police Officer Ranjith Rajan jumped into the well without hesitation and brought the child out, while ASI K.S. Shinu coordinated rescue efforts from above. The child was rushed to a nearby hospital and is safe. The timely and courageous action of the police saved a precious life.
muvattupuzha-police-rescue-child-fell-into-well
Muvattupuzha, Perakkappilly, Punchery, Police rescue, Child rescue, Kerala Police, Brave act, Well accident, Public safety
