കേരളത്തില് കാലവര്ഷം എത്തിയതായി കേന്ദ്ര കാലാവസ്ഥാ വകുപ്പിന്റെ സ്ഥിരീകരണം. കേരളത്തിലും രാജ്യത്തെ വടക്കുകിഴക്കന് സംസ്ഥാനങ്ങളിലും കാലവര്ഷം എത്തിച്ചേര്ന്നതായി കാലാവസ്ഥാ വകുപ്പ് അറിയിച്ചു. ശക്തമായ മഴയ്ക്കുള്ള സാധ്യത കണക്കിലെടുത്ത് കേന്ദ്ര കാലാവസ്ഥാ വകുപ്പ് സംസ്ഥാനത്തെ എല്ലാ ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. ഈയാഴ്ച എല്ലാ ദിവസവും മിക്ക ജില്ലകളിലും മഴ മുന്നറിയിപ്പുണ്ട്.
സാധാരണ നിലയില് ജൂണ് 1 ന് എത്തേണ്ട കാലവര്ഷം ഇത്തവണ രണ്ട് ദിവസം മുൻപാണ് എത്തിച്ചേര്ന്നത്.
ജൂണ് 5 ഓടെ കൂടുതല് വടക്കുകിഴക്കന് സംസ്ഥാനങ്ങളിലേക്ക് മണ്സൂന് വ്യാപിക്കുമെന്നുമാണ് റിപ്പോര്ട്ട്. റിമാല് ചുഴലിക്കാറ്റിന്റെ സ്വാധീനം ബംഗാള് ഉള്ക്കടലില് മണ്സൂണ് ശക്തി പ്രാപിച്ചതിന് കാരണമായിട്ടുണ്ട് എന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
കഴിഞ്ഞ രണ്ട് ദിവസമായി വടക്കുകിഴക്കന് സംസ്ഥാനങ്ങളില് അതിശക്തമായ മഴയാണ് പെയ്തത്. കൂടാതെ, കഴിഞ്ഞ രണ്ട് ദിവസങ്ങമായി കേരളത്തിലും മണ്സൂണ് ആരംഭിക്കുന്നതിന്റെ ലക്ഷണങ്ങള് കാണിച്ച് ശക്തമായ മഴ പെയ്തതായും എഎംഡി ഡയറക്ടര് ജനറല് എം മൊഹപത്ര പറഞ്ഞു.
Read More: പെരുമഴ തുടങ്ങി; പിന്നാലെ മഴക്കോട്ട് വിലപണിയിലും തിരക്കേറി; വില നൂറു രൂപ മുതൽ 3,000 രൂപവരെ
