മുന് മുഖ്യമന്ത്രി ഉമ്മന് ചാണ്ടിയെയും അദ്ദേഹത്തിന്റെ കുടുംബാംഗങ്ങളെയും വേട്ടയാടിയ മുഖ്യമന്ത്രി പിണറായി വിജയന് കാലം കരുതിവച്ച കാവ്യനീതിയാണ് വീണ വിജയനെതിരെയുള്ള ഇ ഡി അന്വേഷണമെന്ന് കെപിസിസി ആക്ടിംഗ് പ്രസിഡന്റ് എം.എം ഹസന്. 2016 ൽ അധികാരമേറ്റത് മുതൽ മരിക്കുന്നതുവരെ സംസ്ഥാന പൊലീസിനെയും സി.ബി.ഐ യേയും ഉപയോഗിച്ച് പിണറായി വിജയൻ ഉമ്മൻചാണ്ടിയെ വേട്ടയാടി. അദ്ദേഹം രോഗിയായതും അകാല മരണം വരിച്ചതും അതുമൂലമെന്നും എം എം ഹസ്സൻ പറഞ്ഞു.
ഉമ്മന് ചാണ്ടിയുടെ മക്കള്ക്കെതിരേ നട്ടാല്കുരുക്കാത്ത നുണകള് പ്രചരിപ്പിച്ചു. പിതൃതുല്യനെന്ന് പറഞ്ഞ സ്ത്രീയെ ഉപയോഗിച്ച് അദ്ദേഹത്തിനെതിരേ ലൈംഗികാരോപണം വരെ ഉയര്ത്തി. മുഖ്യമന്ത്രി പിണറായി വിജയന്റെ നിര്ദേശ പ്രകാരം ഡിജിപി രാജേഷ് ദിവാന്, എഡിജിപിമാരായ അനില്കാന്ത്, ഷെയ്ഖ് ദര്വേഷ് സാഹിബ് എന്നിവരുടെ നേതൃത്വത്തില് അരിച്ചുപെറുക്കി. എന്നിട്ടും കുടുക്കാന് കഴിയാതെ വന്നപ്പോഴാണ് പരാതിക്കാരിയെ വിളിച്ചുവരുത്തി വെള്ളക്കടലാസില് പരാതി എഴുതിവാങ്ങി സിബിഐ അന്വേഷണത്തിനു വിട്ടതെന്നും ഹസ്സൻ പറഞ്ഞു.
ലാവലിൻ കേസ്, സ്വര്ണക്കടത്തുകേസ്, ഡോളര് കടത്തുകേസ് ലൈഫ് മിഷന് കേസ്, കരുവന്നൂര് ഇഡി കേസ്, മാസപ്പടി കേസ് എന്നിങ്ങനെ 7 കേസുകള്ക്കിടയിലും സുരക്ഷിതനായിരിക്കാന് ഇന്ത്യയില് പിണറായിക്കു മാത്രമേ കഴിയൂ. ഇതില് ഏതെങ്കിലുമൊരു കേസ് ആത്മാര്ത്ഥമായി അന്വേഷിച്ചാല് പിണറായി വിജയന് അകത്തുപോകുമെന്ന് ഉറപ്പാണെന്നും കാലം അതിനു കാത്തിരിക്കുകയാണെന്നും എം എം ഹസന് ചൂണ്ടിക്കാട്ടി.
Read Also: ഈസ്റ്ററിനും ദുഃഖവെള്ളിക്കും അവധി;മണിപ്പൂർ സർക്കാർ ഉത്തരവ് പുറത്തിറക്കി
