മിഹിർ മുഹമ്മദിന്റെ മരണം; ഇൻസ്റ്റ​ഗ്രാം ഗ്രൂപ്പ് ഡിലീറ്റ് ചെയ്ത നിലയിൽ, അന്വേഷണത്തിന് വെല്ലുവിളി

2 ദിവസത്തിനകം വിദ്യാഭ്യാസ വകുപ്പിന് റിപ്പോർട്ട്‌ കൈമാറും

കൊച്ചി: തൃപ്പുണിത്തുറയിലെ മിഹിർ മുഹമ്മദിന്റെ മരണത്തിൽ വിദ്യാഭ്യാസ വകുപ്പ് അന്വേഷണം ആരംഭിച്ചു. ഗ്ലോബൽ പബ്ലിക് സ്കൂളിൽ ആലുവ വിദ്യാഭ്യാസ ജില്ല ഓഫിസർ എത്തി വിവരങ്ങൾ ശേഖരിച്ചു. എന്നാൽ വിദ്യാർത്ഥിയുടെ മരണത്തെ സംബന്ധിച്ച ചാറ്റുകൾ അടങ്ങിയ ഇൻസ്റ്റ​ഗ്രാം ഗ്രൂപ്പ് ഡിലീറ്റ് ചെയ്ത നിലയിലാണ്.(Mihir Muhammad’s death; Instagram group deleted)

ഗ്രൂപ്പ് ഡിലീറ്റ് ചെയ്തതിനാൽ തന്നെ കൂടുതൽ വിവരങ്ങൾ പൊലീസിന് ലഭ്യമായിട്ടില്ല. റാഗിങിന് പിന്നിലുള്ള വിദ്യാർത്ഥിയും വിദ്യാർത്ഥിനിയും ആരെന്നതിൽ നിലവിൽ പൊലീസിന് സൂചനകളൊന്നും ലഭിച്ചിട്ടില്ല. സ്കൂളിലെ ശുചിമുറിയിൽ എത്തിച്ച് ഇരുവരും മിഹിറിനെ ഉപദ്രവിച്ചു എന്നും പരാതിയിലുണ്ട്. സംഭവത്തിൽ ആലുവ വിദ്യാഭ്യാസ ജില്ല ഓഫിസർ വിവരങ്ങൾ ശേഖരിച്ച് 2 ദിവസത്തിനകം വിദ്യാഭ്യാസ വകുപ്പിന് റിപ്പോർട്ട്‌ കൈമാറും.

അതേ സമയം മിഹിറിന്‍റെ വീട്ടിൽ പ്രശ്നങ്ങൾ ഉണ്ടായിരുന്നോ എന്നും പൊലീസ് അന്വേഷിക്കുന്നുണ്ട്. അമ്മയുടേയും അച്ഛന്‍റേയും രണ്ടാനച്ഛന്‍റേയും സ്കൂൾ അധികൃതരുടെയും മൊഴി പൊലീസ് ഉടൻ രേഖപ്പെടുത്തും.