കോഴിക്കോട്: കോഴിക്കോട് മെഡിക്കൽ കോളജിൽ ചികിത്സാ പിഴവിനെ തുടർന്ന് യുവതി മരിച്ചതായി പരാതി. പേരാമ്പ്ര കൂത്താളി സ്വദേശിനി രജനിയാണ് മരിച്ചത്. ശരീര വേദനയുമായി എത്തിയ രജിനിയ്ക്ക് മാനസിക രോഗത്തിനുള്ള ചികിത്സ നൽകിയതായും ബന്ധുക്കൾ ആരോപിച്ചു. (Medical negligence in Kozhikode medical college; patient died)
ശരീര മരവിപ്പും വേദനയുമായാണ് രജനി എത്തിയത്. എന്നാൽ യുവതിക്ക് ആദ്യം നൽകിയത് മാനസിക രോഗത്തിനുള്ള ചികിത്സയാണെന്നാണ് ബന്ധുക്കളുടെ ആരോപണം. രോഗാവസ്ഥ തിരിച്ചറിയാതെ ചികിത്സിച്ചത് ആരോഗ്യസ്ഥിതി മോശമാക്കിയെന്നും ബന്ധുക്കൾ പറയുന്നു. അതീവ ഗുരുതരമായ ഗില്ലൈൻ ബാരി സിൻഡ്രം ആണ് രജനിയ്ക്ക് ഉണ്ടായിരുന്നതായി കുടുംബം പറഞ്ഞു.
നവംബർ നാലിനാണ് രജനിയെ കാഷ്വാലിറ്റിയിൽ പ്രവേശിപ്പിച്ചത്. കാലിന് വേദനയും നാവിന് തരിപ്പും അനുഭവപ്പെട്ടതിനെ തുടര്ന്നാണ് ആശുപത്രിയില് പ്രവേശിപ്പിച്ചത്. ഇതിനുള്ള ചികിത്സ നല്കി പറഞ്ഞയച്ചെങ്കിലും വേദന കടുത്തതോടെ വീണ്ടും ആശുപത്രിയില് പ്രവേശിപ്പിക്കുകയായിരുന്നു.
പെരുമ്പാവൂർ നഗരത്തിൽ തടിലോറി മറിഞ്ഞത് രണ്ട് കാറുകളുടേയും ഒരു ബൈക്കിന്റേയും മുകളിലേക്ക്; റോഡിലെ കുഴിയിൽ വീണ് നിയന്ത്രണം തെറ്റി ലോറി മറിയുകയായിരുന്നു; ഒഴിവായത് വൻ ദുരന്തം
