കോഴിക്കോട് വഖഫ് ട്രൈബ്യൂണലിൽ മാധ്യമങ്ങൾക്ക് പ്രവേശനം നിരോധിച്ചു. മുനമ്പം കേസിലെ കോടതിയുടെ നടപടികൾ റിപ്പോർട്ട് ചെയ്യാൻ മാധ്യമങ്ങൾക്ക് അനുമതി നൽകില്ലെന്ന് ജഡ്ജി രാജൻ തട്ടിൽ വ്യക്തമാക്കിയിട്ടുണ്ട്. Media banned from Kozhikode Waqf Tribunal
ഫറൂഖ് കോളേജ് മാനേജ്മെന്റിന്റെ അപ്പീൽ ഇന്ന് പരിഗണിക്കാനിരിക്കെയാണ് ട്രൈബ്യൂണൽ മാധ്യമങ്ങളെ വിലക്കാൻ തീരുമാനിച്ചത്. തുടർന്ന്, ഈ കേസ് ഡിസംബർ ആറിന് വീണ്ടും പരിഗണിക്കാനായി മാറ്റി.
2019-ൽ വഖഫ് ബോർഡ്, ഫറൂഖ് കോളേജ് മാനേജ്മെന്റിന്റെ വിൽപ്പന നടത്തിയ മുനമ്പം ഭൂമി വഖഫ് ഭൂമിയാണെന്ന് സ്ഥിരീകരിച്ച് വഖഫ് രജിസ്റ്ററിൽ ചേർത്തിരുന്നു. സബ് രജിസ്ട്രാർ ഓഫീസിൽ ഈ വിവരങ്ങൾ രേഖപ്പെടുത്തുകയും ചെയ്തു.
ഈ രണ്ട് തീരുമാനങ്ങൾ ചോദ്യം ചെയ്ത് ഫറൂഖ് കോളേജ് മാനേജ്മെന്റ് കമ്മിറ്റിയാണ് വഖഫ് ട്രൈബ്യൂണലിനെ സമീപിച്ചത്. വിൽപ്പന നടത്തിയ ഭൂമി ദാനമായി ലഭിച്ചതാണെന്നതാണ് ഫറൂഖ് കോളജിന്റെ വാദം. ഫറൂഖ് കോളേജിനൊപ്പം മറ്റ് കക്ഷികളെ കേട്ട ശേഷമാണ് വഖഫ് ട്രൈബ്യൂണൽ തീരുമാനത്തിലേക്ക് എത്തുക.
