മുംബൈ: മുംബൈയിൽ വൻ തീപിടുത്തം. ഏഴ് വയസുകാരി ഉൾപ്പെടെ ഏഴ് പേർ മരിച്ചു. ഫ്ലാറ്റുകളും കടകളുമുള്ള സമുച്ചയത്തിലാണ് തീപിടുത്തം ഉണ്ടായത്. മുംബൈയിലെ എ ൻ ​ഗെയ്ക്വാദ് മാർ​ഗിലെ സിദ്ധാർത്ഥ് കോളനി പ്രദേശത്താണ് സംഭവം.(Massive fire in Mumbai; Seven people, including a seven-year-old girl died)

ഇന്ന് രാവിലെയോടെയാണ് തീപിടിത്തമുണ്ടായത്. തീ പിടിച്ച കെട്ടിടത്തിന്റെ താഴത്തെ നിലയിൽ കടയും മുകളിലത്തെ നിലയിൽ ആളുകൾ താമസിക്കുന്നുണ്ട്. പാരിസ് ഗുപ്ത (7), മഞ്ജു പ്രേം ഗുപ്ത (30), അനിത ഗുപ്ത (39), പ്രേം ഗുപ്ത (30), നരേന്ദ്ര ഗുപ്ത (10) വിധി ഗുപ്ത (15), ഗീതാദേവി ഗുപ്ത (60) എന്നിവരാണ് മരിച്ചത്. .

കടയിലെ ഇലക്ട്രിക് വയറിങ്ങിൽ നിന്നാണ് തീപടർന്നതെന്നാണ് പ്രാഥമിക നിഗമനം. അപകടത്തിൽപ്പെട്ടവരെ ഗുരുതര പരിക്കുകളോടെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.