വെല്ലിങ്ടണ്‍: പസഫിക് ദ്വീപരാഷ്ട്രമായ ടോംഗയില്‍ വന്‍ ഭൂചലനം അനുഭവപ്പെട്ടു. റിക്ടര്‍ സ്‌കെയിലില്‍ 7.1 തീവ്രതയാണ് രേഖപ്പെടുത്തിയിരിക്കുന്നത്. ഭൂചലനത്തെത്തുടര്‍ന്ന് രാജ്യത്ത് സുനാമി മുന്നറിയിപ്പ് നല്‍കി.
ദ്വീപരാഷ്ട്രമായ നിയുവിലും ജാഗ്രതാ മുന്നറിയിപ്പ് നല്‍കിയിട്ടുണ്ട്. 0.3 മുതല്‍ ഒരു മീറ്റര്‍വരെ ഉയരമുള്ള സുനാമി തിരമാലകളുണ്ടാവാമെന്നാണ് മുന്നറിയിപ്പ് നൽകിയിരിക്കുന്നത്. ഭൂചലനത്തിന്റെ പ്രഭവകേന്ദ്രം മുതല്‍ 300 കിലോമീറ്റര്‍ ദൂരത്തില്‍ സുനാമി ഉണ്ടായേക്കാമെന്നാണ് പസഫിക് സുനാമി മുന്നറിയിപ്പ് കേന്ദ്രത്തിന്റെ ജാഗ്രതാനിര്‍ദേശം.
ഒരുലക്ഷത്തോളമാണ് ടോംഗയുടെ ജനസംഖ്യ. ഇവിടെ ഭൂചലനങ്ങള്‍ സാധാരണയായി അനുഭവപ്പെടാറുണ്ട്. 171 ദ്വീപുകള്‍ ചേരുന്നതാണ് ടോംഗ.
സൗദി-ഒമാൻ അതിർത്തിയിൽ വാഹനാപകടം; രണ്ട് കുട്ടികളടക്കം 3 മലയാളികൾക്ക് ദാരുണാന്ത്യം
ബത്ത: സൗദി-ഒമാൻ അതിർത്തിലുണ്ടായ വാഹനാപകടത്തിൽ മൂന്ന് മലയാളികൾ മരിച്ചു. കോഴിക്കോട്, കണ്ണൂർ സ്വദേശികളാണ് അപകടത്തിൽ പെട്ടത്. മരിച്ചവരിൽ രണ്ട് പേർ കുട്ടികളാണ്.
ഒമാനിൽ നിന്നും സുഹൃത്തുക്കൾ ഉംറക്ക് പുറപ്പെട്ടതാണ്. സൗദി ഒമാൻ അതിർത്തിയായ ബത്തക്കടുത്ത് വെച്ചാണ് കാർ അപകടത്തിൽ പെട്ടത്. ഒമാനിലെ ആർഎസ്.സി നാഷണൽ സെക്രട്ടറിമാരായ കണ്ണൂർ മമ്പറം സ്വദേശി മിസ്അബ്, കോഴിക്കോട് പയ്യോളി സ്വദേശി ശിഹാബ് എന്നിവരുടെ കുടുംബമാണ് കാറിൽ സഞ്ചരിച്ചിരുന്നത്.
