ഒട്ടാവ: ജസ്റ്റിൻ ട്രൂഡോയ്ക്ക് പകരക്കാരനായി എത്തുന്നത് മാർക്ക് കാർണി. കാനഡയുടെ പുതിയ പ്രധാനമന്ത്രിയെ തെരഞ്ഞെടുക്കാൻ ഭരണകക്ഷിയായ ലിബറൽ പാർട്ടി അംഗങ്ങൾക്കിടയിൽ നടന്ന തെരഞ്ഞെടുപ്പിലാണ് മാർക്ക് കാർണി മുന്നിലെത്തിയത്. ബാങ്ക് ഓഫ് ഇംഗ്ലണ്ടിൻറെയും ബാങ്ക് ഓഫ് കാനഡയുടെയും മുൻ ഗവർണറായിരുന്നു മാർക്ക് കാർണി.
മുൻ ധനമന്ത്രി ക്രിസ്റ്റ്യ ഫ്രീലാൻഡിനെ ബഹുദൂരം പിന്നിലാക്കിയാണ് കാര്യമായ രാഷ്ട്രീയ പശ്ചാത്തലമില്ലാത്ത മാർക്ക് കാർണി കാനഡയുടെ പ്രധാനമന്ത്രി കസേര സ്വന്തമാക്കാൻ ഒരുങ്ങുന്നത്.
ലിബറൽ പാർട്ടിയിലെ 86 ശതമാനത്തോളം പേരും 59കാരനായ കാർണിയെ ആണ്പിന്തുണച്ചത്. കടുത്ത ട്രംപ് വിമർശകൻ കൂടിയാണ് കാർണി. അമേരിക്കക്കെതിരെയുള്ള തീരുവ നടപടികൾ തുടരുമെന്ന് നിയുക്ത പ്രധാനമന്ത്രി കാർണി പറഞ്ഞ. പൊതുസമ്മിതിയിൽ വൻ ഇടിവുണ്ടായതോടെ കഴിഞ്ഞ ജനുവരിയിലാണ് പ്രധാനമന്ത്രിയായ ജസ്റ്റിൻ ട്രൂഡോ രാജി വെച്ചത്.
