19 രാജ്യങ്ങളിൽ നിന്നായി 179 പ്രതിനിധികൾ; മരിയൻ കോളേജിൽ അന്തർദേശീയ കോൺഫറൻസ് ആരംഭിച്ചു
കോട്ടയം: മരിയൻ കോളേജിലെ മരിയൻ ഇൻസ്റ്റിറ്റ്യൂട്ട് ഓഫ് മാനേജ്മെന്റിന്റെ ആഭിമുഖ്യത്തിൽ ‘സുസ്ഥിതിയിലേക്കുള്ള ബിസിനസ് പരിവർത്തനം’ എന്ന വിഷയത്തിൽ സംഘടിപ്പിക്കുന്ന രണ്ടുദിവസത്തെ അന്തർദേശീയ സമ്മേളനത്തിന് തുടക്കമായി.
ഫെബ്രുവരി 5, 6 തീയതികളിലായാണ് സമ്മേളനം നടക്കുന്നത്.
പഴയ ബൈക്ക് കാണിക്കാമെന്ന് പറഞ്ഞ് പ്രായപൂര്ത്തിയാകാത്ത പെൺകുട്ടിയെ പീഡിപ്പിച്ചു; പ്രതി അറസ്റ്റിൽ
ഡോ. രാജു നാരായണസ്വാമി ഉദ്ഘാടനം നിർവഹിച്ചു
ഫെബ്രുവരി 5-ന് രാവിലെ 9.30-ന് കേരള സർക്കാരിന്റെ പ്രിൻസിപ്പൽ സെക്രട്ടറി ഡോ. രാജു നാരായണസ്വാമി (ഐ.എ.എസ്), സമ്മേളനം ഉദ്ഘാടനം ചെയ്തു.
ഐസിഎസ്എസ് ആർ ഡെപ്യൂട്ടി ഡയറക്ടർ ഡോ. മല്ലികാ ശങ്കർ വിശിഷ്ടാതിഥിയായി പങ്കെടുത്തു.
മുഖ്യ പ്രഭാഷണവും പ്രത്യേക ലക്ചറുകളും
ഇന്ത്യൻ ഗവൺമെൻറ് വിദ്യാഭ്യാസ മന്ത്രാലയത്തിലെ ഭാരതീയ ജ്ഞാന പരമ്പരയുടെ മാസ്റ്റർ ട്രെയിനർ ഡോ. ഭരത് ദാസ് മുഖ്യ പ്രഭാഷണം നടത്തി.
യൂണിവേഴ്സിറ്റി ഓഫ് മലേഷ്യയിലെ സീനിയർ ലക്ചറർ ഡോ. ഓയിക്കോക്ക് ലോങ് വിഷയത്തെ ആസ്പദമാക്കി പ്രത്യേക പ്രഭാഷണവും നടത്തി.
സമ്മേളനത്തിൽ 19 രാജ്യങ്ങളിൽ നിന്നായി പ്രതിനിധികൾ
19 രാജ്യങ്ങളിൽ നിന്നായി 51 വിദേശീയർ ഉൾപ്പെടെ 179 പ്രതിനിധികൾ സമ്മേളനത്തിൽ പങ്കെടുക്കുന്നു.
രണ്ട് ദിവസം നീണ്ടുനിൽക്കുന്ന സമ്മേളനത്തിൽ വിവിധ വിഷയങ്ങളിൽ പ്രബന്ധങ്ങൾ അവതരിപ്പിക്കും.
നേതൃത്വവും സ്വാഗത-ആശംസകളും
കോളേജ് മാനേജർ റവ. ഫാ. ബോബി അലക്സ് മണ്ണംപ്ലാക്കൽ അധ്യക്ഷത വഹിച്ച ചടങ്ങിൽ, മാനേജ്മെൻ്റ് വിഭാഗം ഡയറക്ടർ ഡോ. ടി.വി. മുരളി വല്ലഭൻ സ്വാഗതം പറഞ്ഞു.
കോളേജ് വൈസ് പ്രിൻസിപ്പൽ റവ. ഡോ. ഷൈജു കെ.എസ് ആശംസകൾ നേർന്നു.
കോൺഫറൻസ് സ്റ്റാഫ് കോർഡിനേറ്റർ ഡോ. ജോഷിജ ജോസ് നന്ദി രേഖപ്പെടുത്തി.
പ്രിൻസിപ്പൽ ഡോ. അജിമോൻ ജോർജ്, അഡ്മിനിസ്ട്രേറ്റർ റവ. ഫാ. തോമസ് എബ്രഹാം, ഐക്യുഎസി കോർഡിനേറ്റർ ഡോ. ജോബി സിറിയക്ക് എന്നിവരുടെ നേതൃത്വത്തിലാണ് സമ്മേളനം നടക്കുന്നത്.
English Summary:
Marian College’s Marian Institute of Management inaugurated a two-day international conference on “Business Transformation Towards Sustainability” on February 5 and 6. The event was inaugurated by Dr. Raju Narayanaswamy (IAS), Principal Secretary of the Kerala Government. Distinguished guests included ICSSR Deputy Director Dr. Mallika Shankar, keynote speaker Dr. Bharat Das, and Dr. Oikok Long from the University of Malaysia. The conference features 179 delegates, including 51 international participants from 19 countries, presenting research papers over two days.
