കൊച്ചി: നടൻ ഉണ്ണി മുകുന്ദന്റെ ഏറ്റവും പുതിയ ചിത്രം ‘മാർക്കോ’ യുടെ വ്യാജ പതിപ്പ് പുറത്തിറങ്ങിയതായി പരാതി. നിർമാതാവ് ഷെരീഫ് മുഹമ്മദിന്റെ പരാതിയിൽ പോലീസ് കേസെടുത്തു. ടെലഗ്രാം ഗ്രൂപ്പുകൾ വഴിയാണ് വ്യാജ പതിപ്പ് പ്രചരിച്ചത്.(Marco movie fake print leaked; police case registered)
സിനിമാട്ടോഗ്രാഫ് നിയമം, കോപ്പിറൈറ്റ് നിയമം എന്നിവ പ്രകാരമാണ് പൊലീസിന്റെ നടപടി. സിനിമയുടെ ലിങ്ക് വ്യാപകമായി ടെലഗ്രാം ഗ്രൂപ്പുകളിലൂടെ ഷെയർ ചെയ്യപ്പെട്ടതായാണ് വിവരം. ലിങ്ക് പ്രചരിപ്പിച്ച അക്കൗണ്ടുകളുടെ വിവരങ്ങളും നിർമ്മാതാക്കൾ പൊലീസിന് കൈമാറി.
സംഭവത്തിൽ അന്വേഷണം ആരംഭിച്ചതായും എവിടെനിന്നാണ് സിനിമയുടെ ലിങ്കുകൾ പ്രചരിപ്പിക്കപ്പെടുന്നത് എന്നത് ഉടൻ കണ്ടെത്തുമെന്നും പൊലീസ് പറഞ്ഞു. ലിങ്കുകൾ പ്രചരിപ്പിക്കുന്നതും ഡൗൺലോഡ് ചെയ്ത് സിനിമ കാണുന്നതും കുറ്റകരമാണ് എന്നും പോലീസ് മുന്നറിയിപ്പ് നൽകി.
