മുറിയിൽ ഉറങ്ങിക്കൊണ്ടിരുന്ന സഹോദരനെ വിളിച്ചുണർത്തി വെട്ടിക്കൊന്നു; പിന്നാലെ പൊലീസ് സ്റ്റേഷനിലെത്തി കീഴടങ്ങി
മഞ്ചേരി: മലപ്പുറം പൂക്കോട്ടൂർ പള്ളിമുക്കിൽ യുവാവിനെ സഹോദരൻ വെട്ടിക്കൊന്നു. കൊല്ലപറമ്പൻ അബ്ബാസിന്റെ മകൻ അമീർ (24) ആണ് മരിച്ചത്.
സഹോദരൻ ജുനെയ്ദ് (26) പൊലീസ് സ്റ്റേഷനിലെത്തി സ്വമേധയാ കീഴടങ്ങി. ഇന്ന് പുലർച്ചെ ഏകദേശം 4.30നായിരുന്നു സംഭവം.
സാമ്പത്തിക പ്രശ്നങ്ങളുമായി ബന്ധപ്പെട്ട തർക്കമാണ് കൊലപാതകത്തിന് പിന്നിലെന്ന് പ്രാഥമിക വിവരങ്ങൾ.
മുറിയിൽ ഉറങ്ങിക്കൊണ്ടിരുന്ന അമീറിനെ വിളിച്ചുണർത്തിയ ജുനെയ്ദ് കഴുത്തിലേക്ക് ആയുധം ഉപയോഗിച്ച് മുറിവേൽപ്പിക്കുകയായിരുന്നു.
അമീർ സംഭവസ്ഥലത്തുവെച്ചുതന്നെ മരിച്ചു. സംഭവസമയത്ത് വീട്ടിൽ അമ്മയും സഹോദരിയും ഉണ്ടായിരുന്നുവെന്നും പറയുന്നു.
സംഭവത്തിനുശേഷം ജുനെയ്ദ് സ്കൂട്ടറിൽ മഞ്ചേരി പൊലീസ് സ്റ്റേഷനിലെത്തി കീഴടങ്ങി. കേസ് രജിസ്റ്റർ ചെയ്ത പൊലീസ് അന്വേഷണം തുടരുന്നു.
English Summary
In Manjeri, Malappuram, a 24-year-old youth named Ameer was allegedly hacked to death by his elder brother, Junaid, reportedly over financial disputes. The murder occurred around 4:30 AM, with Ameer attacked while asleep in his room. Junaid later surrendered at the Manjeri police station. Police have begun an investigation.
manjeri-brother-kills-younger-over-financial-dispute
Manjeri, Malappuram, murder, brothers, financial dispute, police investigation
