മുവാറ്റുപുഴ: അടുക്കളയിലെ പാചകവാതക സിലിണ്ടർ തുറന്നിട്ടതിന് ശേഷം യുവാവ് ആത്മഹത്യ ചെയ്തു. മുവാറ്റുപുഴ കല്ലൂർക്കാട് കുളങ്ങാട്ടുപാറ കോട്ടയിൽ ജോൺസനെയാണ് വീടിനുള്ളിൽ മരിച്ച നിലയിൽ കണ്ടെത്തിയത്. വീട്ടിലുണ്ടായിരുന്ന ഭാര്യയും കുഞ്ഞും പുറത്തിറങ്ങിയ സമയം നോക്കി വാതിലടച്ച് അടുക്കളയിലെ രണ്ടു പാചക വാതക സിലിണ്ടറുകൾ തുറന്നിട്ട ശേഷം ജോൺസൺ തൂങ്ങി മരിക്കുകയായിരുന്നു.
കട്ടിലിൽ പൊള്ളലേറ്റ നിലയിലായിരുന്നു ജോൺസൻ്റെ മൃതദേഹം ഉണ്ടായിരുന്നത്. മൃതദേഹത്തിൽ കഴുത്തിൽ കുരുക്കുണ്ടായിരുന്നതായി കണ്ടെത്തിയിരുന്നു. കല്ലൂർക്കാട് നിന്ന് അഗ്നിരക്ഷാ സേനയും പൊലീസും സ്ഥലത്തെത്തിയാണ് മൃതദേഹം ആശുപത്രിയിലേക്ക് മാറ്റിയത്. പോസ്റ്റ്മോർട്ടത്തിന് ശേഷം സംസ്കാരം നടത്തി.
Read Also: ചെറുപ്പക്കാരെ ഹൃദ്രോഗം വിടാതെ പിന്തുടരുന്നതായി റിപ്പോർട്ട്; കാരണമെന്തെന്നറിയാം, വേണം ജാഗ്രത
