നിലമ്പൂർ: മലയത്ത് മാജിക് സർക്കിളിന്റെ ഈ വർഷത്തെ ലൈഫ് ടൈം ആച്ചീവ്മെന്റ് അവാർഡിന് റോയ് കുട്ടനാട് അർഹനായി. നിലമ്പൂർ കനോലി ഇക്കൊ ടൂറിസം പാർക്കിൽ സംഘടിപ്പിച്ച മാന്ത്രിക മാമാങ്കം എന്ന പരിപാടിയിൽ സൂര്യ കൃഷ്ണ മൂർത്തി റോയ് കുട്ടനാടിന് നൽകി ആദരിച്ചു.
ചടങ്ങിൽ നിലംബൂർ നോർത്ത് ഡിവിഷൻ ഫോറസ്റ്റ് ഓഫീസർ P. കാർത്തിക്, IFS അധ്യക്ഷത വഹിച്ചു. ഇംഗ്ലണ്ടിലെ കെയിബ്രിഡ്ജ് യൂണിവേഴ്സിറ്റി യിൽ നിന്നും മാജിക്കിൽ ബിരുദം നേടി കഴിഞ്ഞ 25 വർഷമായി UK യിലുടനീളം വിസ്മയ കാഴ്ച ഒരുക്കി റോയി കുട്ടനാട് മലയാളികളെ വിസ്മയിപ്പിക്കുന്നു.
കഴിഞ്ഞ 25 വർഷങ്ങളായി റോയി കുട്ടനാട് കുടുംബാംഗങ്ങളുടെ സഹകരണത്തോടെ ജീവകാരുണ്യ പ്രവർത്തനങ്ങളും നടത്തിവരുന്നുണ്ട്. കൗമാര പ്രായത്തിലുള്ള സ്കൂൾ കുട്ടികളെ നേർവഴിക്ക് തിരിച്ചു വിടുന്നതിനുവേണ്ടി മദ്യം, മയക്ക് മരുന്ന് തുടങ്ങിയ വിഷയങ്ങളിൽ അവയർനസ് മാജിക് ഷോ സൗജന്യമായി ചെയ്തുവരുന്നു.
ഇന്ത്യൻ മാജിക്കിന്റെ യശ്ശസ് ഉയർത്തുന്നതിന് വേണ്ടി, യു കെ യിൽ, ഭാരതത്തിൻ്റെ പാരമ്പര്യമുള്ള മാജിക്കുകൾ അവതരിപ്പിച്ചു വരുന്നു. കൂടാതെ കേരളത്തിലെ മജീഷ്യന്മാരുടെ സ്കിൽ വർദ്ധിപ്പിക്കുന്നതിന് വേണ്ടി മാജിക് വർക്ഷോപ്പുകളും സംഘടിപ്പിക്കാറുണ്ട്.
ഇത്തരം പ്രവർത്തനങ്ങൾ എല്ലാം പരിഗണിച്ചുകൊണ്ട് മാജിക് രംഗത്തെ സമഗ്ര സംഭാവനക്കുള്ള അംഗീകാര മായിട്ടാണ് റോയ് കുട്ടനാടിന് ലൈഫ് ടൈം അച്ചീവ്മെൻറ് അവാർഡ് നൽകി ആദരിച്ചത്. പരിപാടിയിൽ കേരളത്തിന്റെ വിവിധ ഭാഗങ്ങളിൽ നിന്നായി 200 ഓളം മജീഷ്യന്മാർ പങ്കെടുത്തു. ഇന്ത്യയുടെ തനതായ ജാലവിദ്യ രൂപങ്ങളായ ദ ഗ്രേറ്റ് ഇന്ത്യൻ റോപ്പ് മിസ്റ്ററിയും ദ ഗ്രേറ്റ് ഇന്ത്യൻ മാങ്കോ ട്രീ മാജിക്കും ചടങ്ങിനോടനുബന്ധിച്ച് അവതരിപ്പിച്ചു.
