ബെൽഫാസ്റ്റ് മലയാളിയുടെ അപ്രതീക്ഷിത വിയോഗത്തിൽ നടുങ്ങി അയർലണ്ടിലെ മലയാളി സമൂഹം; ജെയ്സൺ വിടവാങ്ങിയത് വീട്ടിൽ കുഴഞ്ഞുവീണതിനെ തുടർന്ന്:

യുകെ മലയാളികൾക്ക് മറ്റൊരു ദുഃഖ വാർത്ത കൂടി. ബെല്‍ഫാസ്റ്റിലെ ആദ്യകാല കുടിയേറ്റക്കാരില്‍ ഒരാളായ മലയാളി വിടവാങ്ങി. ഡണ്‍മുറിയിൽ താമസിച്ചിരുന്ന പത്തനാപുരം സ്വദേശി ജെയസണ്‍ പൂവത്തുരാണ് ഹൃദയാഘാതത്തെ തുടർന്ന് അന്തരിച്ചത്. Malayali dead after heart attack in ireland

ഓംനി അസോസിയേഷനിലെ സജീവപ്രവര്‍ത്തന്‍ കൂടിയായ ജെയ്‌സണ് 63 വയസായിരുന്നു പ്രായം. ഇന്നലെ രാവിലെ വീട്ടില്‍ കുഴഞ്ഞ് വീഴുകയായിരുന്നു. തുടര്‍ന്ന് ആംബുലന്‍സ് എത്തി മരണം സ്ഥിരീകരിച്ചു . ഹൃദയാഘാതമാണ് മരണ കാരണം.

നോര്‍ത്തേണ്‍ അയര്‍ലന്റിലെ ആദ്യകാല സംഘടന രൂപികരണത്തിന് അടക്കം സജീവമായി പ്രവര്‍ത്തിച്ചിട്ടുള്ള ജെയ്‌സന്റെ വിയോഗം മലയാളി സമൂഹത്തിന് തീരാനഷ്ടമാണ്.

സൗദിയില്‍ നിന്നുമാണ് യുകെയിലെക്ക് ജയ്‌സണും കുടുംബവും 2000-കളുടെ തുടക്കത്തില്‍ വടക്കന്‍ അയര്‍ലണ്ടിലേക്ക് കുടിയേറിയത്.

ഈ പ്രദേശത്തെ സംഘടനാ പ്രവര്‍ത്തനങ്ങളിലടക്കം സജീവ സാന്നിധ്യമായിരുന്നു അദ്ദേഹം.

റോയല്‍ വിക്ടോറിയ ഹോസ്പിറ്റല്‍ ജീവനക്കാരനായിരുന്ന ജയ്‌സണ്‍ ബെല്‍ഫാസ്റ്റ് സെന്റ് ഗ്രിഗോറിയോസ് പള്ളിയുടെ സെക്രട്ടറി, ട്രെസ്റ്റി സ്ഥാനങ്ങളും വിജയകരമായി നയിച്ചിട്ടുണ്ട്.

ഭാര്യ ലിനി ജെയ്സണ്‍ ബെല്‍ഫാസ്റ്റ് സിറ്റി ഹോസ്പിറ്റലില്‍ സ്റ്റാഫ് നഴ്‌സാണ്. 2 മക്കൾ.മകന്‍ ഫാ കാല്‍വില്‍ ജെയ്‌സണ്‍,മകള്‍ റിമ പൂവത്തൂര്‍, മരുമകള്‍ സാന്ദ്ര പൂവത്തൂര്‍.

ജയ്സന്റെ സംസ്‌കാരം നാട്ടില്‍ അടൂര്‍ ഇളമണ്ണൂര്‍ സെന്റ് തോമസ് ഓര്‍ത്തഡോക്‌സ് പള്ളിയില്‍ നടക്കും.