മാതാപിതാക്കളുടെ ബുദ്ധിമുട്ടറിഞ്ഞ കുട്ടികൾ; 15 വർഷമായി സൗജന്യ യാത്ര ഒരുക്കി അധ്യാപകൻ
മലപ്പുറം: സാമ്പത്തിക ബുദ്ധിമുട്ട് കാരണം ഒരു കുട്ടിയുടെയും യാത്രാസ്വപ്നങ്ങൾ മങ്ങിപ്പോകരുതെന്ന ലക്ഷ്യത്തോടെ മലപ്പുറത്തെ ഒരു അധ്യാപകൻ കഴിഞ്ഞ 15 വർഷമായി സ്വന്തം ചെലവിൽ വിദ്യാർത്ഥികൾക്ക് സൗജന്യ ഉല്ലാസയാത്രകൾ ഒരുക്കുകയാണ്.
മഞ്ചേരി തൃക്കലങ്ങോട് മാനവേദൻ യു.പി സ്കൂളിലെ ഉറുദു അധ്യാപകനായ പി.സി. ഷെരീഫാണ് ഈ മാതൃകാപരമായ പ്രവർത്തനം നടത്തുന്നത്.
മാസ്കോട്ടുകൾക്ക് പേരിടാം; ഡിജി കേരളം പദ്ധതിയിൽ പങ്കാളികളാകാൻ പൊതുജനങ്ങൾക്ക് അവസരം
കുട്ടികളുടെ മറുപടിയാണ് മനസുമാറ്റിയത്
2008-ൽ സ്കൂളിൽ വിനോദയാത്രയ്ക്കു പോകാത്തതെന്തെന്ന് ചോദിച്ചപ്പോൾ കുട്ടികൾ നൽകിയ മറുപടിയാണ് അധ്യാപകനെ ഈ തീരുമാനത്തിലേക്ക് നയിച്ചത്.
500 രൂപയോ 1000 രൂപയോ പോലും നൽകാൻ മാതാപിതാക്കൾക്ക് കഴിയാത്ത സാഹചര്യമാണെന്നും കൂലിപ്പണിക്ക് പോകുന്നവരെ ബുദ്ധിമുട്ടിക്കരുതെന്നും കുട്ടികൾ പറഞ്ഞത് ഷെരീഫ് മാഷിന്റെ മനസിനെ സ്പർശിച്ചു.
ശമ്പളത്തിൽ നിന്ന് വിഹിതം മാറ്റിവച്ച് യാത്രകൾ
അരീക്കോട് സ്വദേശിയായ ഷെരീഫ് മാഷ് തുടർന്ന് തന്റെ ശമ്പളത്തിൽ നിന്ന് ഒരു വിഹിതം മാറ്റിവച്ച് ഓരോ വർഷവും കുട്ടികളുടെ യാത്രകൾക്ക് ചെലവഴിക്കുകയായിരുന്നു.
ഇത്തവണ 5, 6, 7 ക്ലാസുകളിലെ 87 കുട്ടികളാണ് മാഷിനൊപ്പം യാത്ര പോയത്.
കൊച്ചി മുതൽ മലമ്പുഴ വരെ നിരവധി യാത്രകൾ
കഴിഞ്ഞ വർഷങ്ങളിൽ കുട്ടികളെ കൊച്ചി മെട്രോ, തൃപ്പൂണിത്തറ ഹിൽ പാലസ്, അതിരപ്പള്ളി, മലമ്പുഴ തുടങ്ങിയ സ്ഥലങ്ങളിലേക്ക് കൊണ്ടുപോയിട്ടുണ്ട്.
ഈ വർഷം യാത്രയുടെ ലക്ഷ്യം കക്കാടംപൊയിൽ മലനിരകളായിരുന്നു.
കുട്ടികളുടെ സന്തോഷമാണ് ഏറ്റവും വലിയ പ്രതിഫലം
20 വർഷമായി സ്കൂളിൽ സേവനം അനുഷ്ഠിക്കുന്ന ഷെരീഫ് മാഷിന് അധ്യാപകരുടെയും രക്ഷിതാക്കളുടെയും പൂർണ്ണ പിന്തുണയുണ്ട്.
കുട്ടികളുടെ മുഖത്തെ സന്തോഷം തന്നെയാണ് തന്റെ ഏറ്റവും വലിയ പ്രതിഫലമെന്ന് അദ്ദേഹം പറയുന്നു.
English Summary:
A teacher in Malappuram has been organising free educational trips for his students for the past 15 years to ensure that no child misses out due to financial hardship. PC Shareef, an Urdu teacher at Manaveden UP School in Manjeri, took this initiative after students once said they avoided trips because their parents could not afford even small fees. Since 2008, he has been setting aside a portion of his salary every year to fund excursions. This year, 87 students travelled with him to Kakkadampoyil, while previous trips included destinations like Kochi Metro, Athirappilly and Malampuzha. Shareef says children’s happiness is his greatest reward.
