മലപ്പുറത്ത് ഇത്തവണ സാമ്പാർ തിളയ്ക്കുന്നില്ല
മലപ്പുറം: മുസ്ലിം ലീഗിന്റെ പരമ്പരാഗത കോട്ടമായി അറിയപ്പെടുന്ന മലപ്പുറം, 2020ലെ തദ്ദേശ തെരഞ്ഞെടുപ്പിൽ ‘സാമ്പാർ മുന്നണി’ വിജയിച്ചതിലൂടെ വലിയ രാഷ്ട്രീയ പരീക്ഷണത്തിന് വേദിയായിരുന്നുവെങ്കിലും ഇത്തവണ മുന്നണി സജീവമല്ല.
സി.പി.എം–കോൺഗ്രസ് കൂട്ടുകെട്ടും ലീഗ് ഒറ്റക്കല്ലും തമ്മിലുള്ള പോർ കഴിഞ്ഞ തവണ യു.ഡി.എഫിന് വലിയ തിരിച്ചടിയാണ് വരുത്തിയത്. ജില്ലയിലെ പലയിടങ്ങളിലും ഭരണസമിതികൾ എൽ.ഡി.എഫിന് വഴിമാറി.
ഇത്തവണ ഈ അവസ്ഥ ആവർത്തിക്കാതിരിക്കാനായി യു.ഡി.എഫ് നേതൃത്വം സമവായനീക്കവുമായി രംഗത്തെത്തിയതോടെ രാഷ്ട്രീയ അന്തരീക്ഷം സമാധാനപരമാണ്.
ജില്ലാപഞ്ചായത്തിലെ 21 ഡിവിഷനുകളിൽ മുസ്ലിം ലീഗ് 10-ലും, കോൺഗ്രസ് 6-ലും, സി.പി.എം 5-ലും നിലനിൽക്കുന്നുണ്ട്. 12 നഗരസഭകളിൽ 9 എണ്ണം യു.ഡി.എഫും 3 എണ്ണം എൽ.ഡി.എഫും ഭരിക്കുന്നു.
15 ബ്ലോക്ക് പഞ്ചായത്തുകളിൽ 12 എണ്ണം യു.ഡി.എഫിന്റെയും 3 എണ്ണം എൽ.ഡി.എഫിന്റെയും കീഴിലാണ്. 94 ഗ്രാമപഞ്ചായത്തുകളിൽ 70 എണ്ണം യു.ഡി.എഫും 24 എണ്ണം എൽ.ഡി.എഫും ഭരിക്കുന്നു.
ജില്ലയിൽ മുസ്ലിം ലീഗിന് 1,072 ജനപ്രതിനിധികളും സി.പി.എം 695 പേരും കോൺഗ്രസ് 450 പേരും സി.പി.ഐയും ബി.ജെ.പി യും 31 പേരും വെൽഫെയർ പാർട്ടിക്ക് 25 പേരുമുണ്ട്.
പ്രതിനിധികളുടെ എണ്ണം 1,200 കവിഞ്ഞുയർത്താനാണ് ലീഗിന്റെ ലക്ഷ്യം. നിലവിലെ നിലപാട് കാത്തുസൂക്ഷിക്കുകയെന്നതാണ് സി.പി.എമ്മിന്റെ തന്ത്രം. ‘സാമ്പാർ’ മുന്നണി ഈ തവണ തിളങ്ങാത്തത് യു.ഡി.എഫിന് ആശ്വാസമാണ്.
വെൽഫെയർ പാർട്ടിയുമായുള്ള ലീഗിന്റെ ബന്ധത്തെ വർഗീയ സമവായം എന്ന് ചൂണ്ടിക്കാട്ടിയും സർക്കാരിന്റെ ഭരണനേട്ടങ്ങൾ മുന്നോട്ട് വെച്ചുമാണ് എൽ.ഡി.എഫിന്റെ പ്രചാരണം.
പൊന്മുണ്ടത്ത് വീണ്ടും ‘സാമ്പാർ’
25 വർഷമായി മുസ്ലിം ലീഗ് ഭരിക്കുന്ന പൊന്മുണ്ടം പഞ്ചായത്തിൽ ഇത്തവണ മത്സരം കനക്കുകയാണ്.
ലീഗും വെൽഫെയർ പാർട്ടിയും ഒരുമിച്ചുള്ള മുന്നണി, മറുവശത്ത് കോൺഗ്രസ്–സി.പി.എം–സി.പി.ഐ കൂട്ടുകെട്ടായ സാമ്പാർ മുന്നണിയുമാണ് ഏറ്റുമുട്ടുന്നത്.
പൊന്മുണ്ടത്തെ രാഷ്ട്രീയ പിളർപ്പാണ് താനൂർ നിയമസഭ യൂ.ഡി.എഫിന് നഷ്ടമാകാൻ കാരണമായതെന്ന് വിലയിരുത്തപ്പെടുന്നു.
യു.ഡി.എഫിലെ വോട്ടു ചോർച്ച ഇടത് സ്വതന്ത്ര സ്ഥാനാർത്ഥിയായി മത്സരിച്ചമന്ത്രി വി. അബ്ദുറഹ്മാനെ വിജയത്തിലേക്ക് നയിച്ചിരുന്നു.
English Summary
Malappuram, traditionally a stronghold of the Indian Union Muslim League, had witnessed the surprising success of the ‘Sambar Front’—a CPM–Congress alliance—in the 2020 local body polls. This time, however, the Sambar Front appears inactive, and the UDF has taken steps to avoid a repeat of past setbacks through internal reconciliation efforts.
UDF currently controls a majority of the district’s civic bodies, while the LDF focuses on retaining its existing seats. The League aims to increase its tally of 1,072 representatives to over 1,200, while the CPM holds 695 seats.
In Ponmundam panchayat, however, the Sambar Front has revived, with the Congress–CPM–CPI alliance facing off against the League–Welfare Party combine. Political rifts in Ponmundam had previously contributed to UDF losing the Tanur Assembly seat, helping independent LDF-backed candidate V. Abdurahiman win.
malappuram-politics-sambar-front-udf-ldf-battle-2025
Malappuram, Muslim League, Sambar Front, UDF, LDF, Local Body Elections, Kerala Politics, Ponmundam, Tanur
