മലപ്പുറത്ത് തീപിടിത്തം; കത്തി നശിച്ചത് 26 ബൈക്കുകൾ
മലപ്പുറം: മലപ്പുറം ചെറുമുക്കിലെ ഫ്ലൈ വീൽസ് ബൈക്ക് വർക്ക് ഷോപ്പിൽ ഉണ്ടായ തീപിടിത്തത്തിൽ 26 ബൈക്കുകൾ പൂർണമായും കത്തി നശിച്ചു.
ഞായറാഴ്ച രാത്രി ഒരു മണിയോടെയാണ് തീപിടിത്തമുണ്ടായത്. ജീവനക്കാർ കട അടച്ച് വീട്ടിലേക്ക് മടങ്ങിയതിന് പിന്നാലെയായിരുന്നു അപകടം.
തീപിടിത്തത്തിൽ ഏകദേശം 40 ലക്ഷം രൂപയുടെ നാശനഷ്ടം കണക്കാക്കുന്നു. സമീപത്ത് പ്രവർത്തിക്കുന്ന മൃഗാശുപത്രിയിലേക്കും തീ പടർന്നതോടെ അവിടെ സൂക്ഷിച്ചിരുന്ന മരുന്നുകളും രേഖകളും കത്തി നശിച്ചു.
താനൂർ, തിരൂർ ഫയർ സ്റ്റേഷനുകളിൽ നിന്നെത്തിയ അഗ്നിരക്ഷാ സേന സംഘം മണിക്കൂറുകൾ നീണ്ട പരിശ്രമത്തിനൊടുവിൽ പുലർച്ചെ മൂന്നുമണിയോടെ തീ പൂർണമായി നിയന്ത്രണവിധേയമാക്കി.
തീപിടിത്തത്തിന്റെ കാരണം വ്യക്തമല്ല. അന്വേഷണം ആരംഭിച്ചിട്ടുണ്ട്.
English Summary
A fire broke out at a bike workshop in Cherumukku, Malappuram, destroying 26 motorcycles and causing an estimated loss of ₹40 lakh. The fire also spread to a nearby veterinary hospital, damaging medicines and records.
malappuram-bike-workshop-fire-26-bikes-destroyed
Malappuram fire, bike workshop fire, Cherumukku accident, Fly Wheels workshop, fire and rescue, vehicle damage, Kerala news
