ജമ്മു കശ്മീർ: ഡോഡ ജില്ലയിൽ നടന്ന ഭീകരാക്രമണത്തിൽ നാല് സൈനികർക്ക് വീരമൃത്യു. ഇന്നലെ രാത്രി 9 മണിയ്ക്ക് ശേഷമാണ് സൈനികരും ഭീകരരും തമ്മിൽ ഏറ്റുമുട്ടൽ നടന്നത്. വനമേഖലയ്ക്ക് സമീപം തെരച്ചിൽ നടത്തുകയായിരുന്ന ജമ്മു പൊലീസ്, സിആർപിഎഫ്, സൈന്യം എന്നിവയുടെ സംയുക്ത സംഘത്തെ ആക്രമിക്കുകയായിരുന്നു.(Major Among 4 Soldiers Killed In Action In Encounter With Terrorists In J&K)
ആക്രമണത്തിൽ ഭീകരർക്ക് കനത്ത തിരിച്ചടി നൽകുമെന്ന് സൈന്യം അറിയിച്ചു. അഞ്ച് സൈനികർക്കാണ് ഇന്നലെ രാത്രി നടന്ന ഏറ്റുമുട്ടലിൽ ഗുരുതരമായി പരിക്കേറ്റിരുന്നു. ഇതിൽ നാല് സൈനികരുടെ മരണമാണ് സ്ഥിരീകരിച്ചത്. കൂടുതൽ സൈനികർ ഭീകരാക്രമണം നടന്ന സ്ഥലത്തെത്തി പരിശോധനകൾ നടത്തിവരികയാണ്.
ഡോഡ ജില്ലയിലെ വനമേഖലയിൽ ഭീകരരുടെ സാന്നിധ്യമുണ്ടെന്ന വിവരത്തിന്റെ അടിസ്ഥാനത്തിലാണ് പൊലീസും സൈന്യവും സിആർപിഎഫും സംയുക്തമായി ഇന്നലെ രാവിലെ മുതൽ തെരച്ചിൽ നടത്തുകയായിരുന്നു. ജമ്മു കശ്മീരിലെ വിവിധ പ്രദേശങ്ങളിൽ ഒരേ സമയം ഇന്നലെ സംയുക്ത പരിശോധനകൾ നടത്തിയിരുന്നു.
Read Also: ദേശീയപാത 66ല്‍ ഇന്ന് മുതല്‍ ഗതാഗത നിയന്ത്രണം; ഗതാഗത കുരുക്ക് ഒഴിവാക്കാൻ ഭാരവാഹനങ്ങൾ വഴിതിരിച്ചുവിടും
