ഊട്ടി, കൊടൈക്കനാൽ സന്ദർശനത്തിന് നിയന്ത്രണമേർപ്പെടുത്തി മദ്രാസ് ഹൈക്കോടതി ഉത്തരവ്. ഈ സ്ഥലങ്ങൾ സന്ദർശിക്കാൻ മെയ് 7 മുതൽ ജൂൺ 30 വരെ ഈ-പാസ് ഏർപ്പെടുത്തി. വിനോദസഞ്ചാരമേഖലയിലേക്ക് കൂടുതൽ ആളുകൾ എത്തുന്നത് മൂലം പാരിസ്ഥിതിക പ്രശ്നങ്ങൾ ഉണ്ടാകുന്നുവെന്ന ഹർജിയിലാണ് കോടതി ഉത്തരവ്. നീലഗിരി, ദിണ്ടിഗൽ, ജില്ലാ കലക്ടർമാരുടെ നിർദേശപ്രകാരം മദ്രാസ് ഐഐടി നടത്തുന്ന പഠനത്തിനുശേഷം മേഖലയിലേക്ക് എത്താവുന്ന ആളുകളുടെ എണ്ണം നിശ്ചയിക്കും.  ജൂലൈ 5ന് കോടതി വീണ്ടും ഹർജി പരിഗണിക്കും. പിന്നീട് ഈ എണ്ണത്തിന്റെ അടിസ്ഥാനത്തിലായിരിക്കും വിനോദസഞ്ചാരികളെ കടത്തിവിടുക.