ലോകത്തെ ആശങ്കയിലാഴ്ത്തി എം പോക്സ് പടരുന്നു. ലോകാരോഗ്യ സംഘടന (ഡബ്ല്യുഎച്ച്ഒ) ചൊവ്വാഴ്ച (ജൂൺ 25) നു പുറത്തുവിട്ട റിപ്പോർട്ടിൽ ഈ വാലും രോഗം അടിയന്തിരമായി പരിഹരിക്കേണ്ടതിന്റെ ആവശ്യകതെയെപ്പറ്റി പറയുന്നു. ഡെമോക്രാറ്റിക് റിപ്പബ്ലിക് ഓഫ് കോംഗോയിൽ ആണ് ഇത് വ്യാപകമായി പടർന്നു പിടിച്ചിരിക്കുന്നത്.
ആഫ്രിക്കയിലെ സമീപകാല mpox കേസുകളുടെ വ്യാപനത്തെ തടയേണ്ടത് അതീവ പ്രാധാന്യം നൽകി പരിഹരിക്കേണ്ട വിഷയമാണെന്ന് ലോകാരോഗ്യ സംഘടനയുടെ എംപോക്സിൻ്റെ സാങ്കേതിക മേധാവി റോസമണ്ട് ലൂയിസ് പത്രപ്രവർത്തകർക്ക് നൽകിയ ഒരു ബ്രീഫിംഗ് കുറിപ്പിൽ പറഞ്ഞതായി വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്യുന്നു.
രോഗബാധിതരായ മനുഷ്യരുമായോ മൃഗങ്ങളുമായോ അടുത്തിടപഴകുന്നതിലൂടെയും മലിനമായ ഷീറ്റുകൾ പോലുള്ള വസ്തുക്കളിലൂടെയും പകരുന്ന ഒരു വൈറൽ രോഗമാണ് Mpox. രോഗം പ്രധാനമായും മുഖം, മലദ്വാരം, ജനനേന്ദ്രിയം എന്നിവയിൽ വേദനാജനകവും പാടുകളുള്ളതുമായ മുറിവുകളിലേക്ക് നയിക്കുന്നതാണ്. ചർമ്മത്തിലെ ചുണങ്ങു, പനി, തലവേദന, പേശി വേദന, വീർത്ത ലിംഫ് നോഡുകൾ എന്നിവയാണ് എംപോക്സിൻറെ സാധാരണ ലക്ഷണങ്ങൾ.
പതിറ്റാണ്ടുകളായി കോംഗോയിൽ സ്ഥിരമായി കണ്ടുവരുന്ന ക്ലേഡ് I പോക്സിൻ്റെ പരിഷ്ക്കരിച്ച സ്ട്രെയിനായതിനാൽ ഇപ്പോൾ പടരുന്ന സ്ട്രെയിൻ തികച്ചും അപകടകരമാണെന്ന് റിപ്പോർട്ട് പറയുന്നു. ഇതിൻ്റെ മരണനിരക്ക് കുട്ടികളിൽ ഏകദേശം 10 ശതമാനവും മുതിർന്നവരിൽ അഞ്ച് ശതമാനവും ആണെന്ന് റിപ്പോർട്ട് ചെയ്യപ്പെടുന്നു.
സെപ്റ്റംബറിൽ കോംഗോയുടെ കിഴക്ക് ദക്ഷിണ കിവു പ്രവിശ്യയിലെ ചെറിയ ഖനന പട്ടണമായ കമിതുഗയിലാണ് പുതിയ സ്ട്രെയിൻ ആദ്യമായി തിരിച്ചറിഞ്ഞത്. ഇത് എങ്ങനെ പകരുന്നു, എങ്ങനെ പടരുന്നു, രോഗലക്ഷണങ്ങൾ എന്നിവ കണക്കിലെടുക്കുമ്പോൾ, ഇതുവരെ അറിയപ്പെടുന്ന എല്ലാ എംപോക്സുകളിലും ഇത് ഏറ്റവും അപകടകരമാണെന്ന് റുവാണ്ട സർവകലാശാലയിലെ ജോൺ ക്ലോഡ് ഉദഹെമുക ഒരു പ്രത്യേക ബ്രീഫിംഗിൽ പറഞ്ഞു,
ഈ വർഷം ഇതുവരെ കോംഗോയിൽ ഏകദേശം 8,600 എംപോക്സ് കേസുകളും 410 മരണങ്ങളും റിപ്പോർട്ട് ചെയ്യപ്പെട്ടിട്ടുണ്ടെന്ന് രാജ്യത്തെ എംപോക്സ് കൺട്രോൾ പ്രോഗ്രാമിലെ ഓപ്പറേഷൻസ് ചുമതലയുള്ള ഡോക്ടർ ക്രിസ് കാസിറ്റ കഴിഞ്ഞ ആഴ്ച റോയിട്ടേഴ്സിനോട് പറഞ്ഞു.
