രാജ്യത്ത് വാണിജ്യ ആവശ്യങ്ങള്ക്കുള്ള പാചക വാതക സിലണ്ടറിന്റെ വില കുറഞ്ഞു. ഹോട്ടലുകളില് ഉപയോഗിക്കുന്ന 19 കിലോ സിലിണ്ടറിന് 31 രൂപയാണ് കുറഞ്ഞിരിക്കുന്നത്. 1,655 രൂപയാണ് പുതുക്കിയ വില. (LPG commercial cylinder prices slashed by Rs 31)
മുംബൈയിൽ 1,717.50 രൂപയാണ് വില. പഴയ വില 1,749 ആണ്. ചെന്നൈയിൽ 1,930 രൂപയാണ് (പഴയ വില 1,960.50). കൊല്ക്കത്തയിൽ 1,879 രൂപയാണ് വില. (പഴയ വില 1,911). പ്രാദേശിക നികുതിയുടെ അടിസ്ഥാനത്തില് വിലയില് മാറ്റമുണ്ടാകും.
1685.50 രൂപയില് നിന്നാണ് വില 1,655ല് എത്തിയത്. നേരത്തെ ജൂണ് ഒന്നിന് സിലിണ്ടറിന് 70.50 രൂപ കുറഞ്ഞിരുന്നു. ഒരുമാസം തികയുമ്പോഴാണ് വില വീണ്ടും കുറഞ്ഞത്. അതേസമയം, ഗാർഹിക പാചക വാതക സിലിണ്ടറിന്റെ വിലയിൽ മാറ്റമില്ല.
