പേരൊക്കെ സൂപ്പറാ ” മിന്നൽ “; ക്രിസ്‌മസ് ദിനത്തിൽ ആനവണ്ടിയിൽ വന്നവർ പെരുവഴിയിലായി

പേരൊക്കെ സൂപ്പറാ ” മിന്നൽ “; ഇരുട്ടത്ത് ഡീസൽ തീർന്നു; ആനവണ്ടിയിൽ വന്നവർ പെരുവഴിയിലായി

കോഴിക്കോട്: ക്രിസ്‌മസ് ദിനത്തിൽ ഡീസൽ തീർന്നതിനെ തുടർന്ന് കെഎസ്ആർടിസി മിന്നൽ ബസ് വഴിയിൽ കുടുങ്ങി.

കോഴിക്കോട് കാരശേരിയിലാണ് സംഭവം. തിരുവനന്തപുരം–സുൽത്താൻ ബത്തേരി റൂട്ടിൽ സർവീസ് നടത്തുകയായിരുന്ന മിന്നൽ ബസിന്റെ ഡീസൽ തീർന്നതോടെ സ്ത്രീകളും കുട്ടികളും ഉൾപ്പെടെയുള്ള നിരവധി യാത്രക്കാർ പെരുവഴിയിലായി.

ചൊവ്വാഴ്ച രാത്രി 11 മണിയോടെ തിരുവനന്തപുരത്ത് നിന്ന് പുറപ്പെട്ട ബസിന് ആവശ്യമായ ഡീസൽ നിറയ്ക്കുന്നതിൽ ഡ്രൈവറുടെയും കണ്ടക്‌ടറുടെയും ഭാഗത്ത് വീഴ്ച സംഭവിച്ചതായാണ് വിവരം.

രാവിലെ ഏഴരയ്ക്ക് സുൽത്താൻ ബത്തേരിയിൽ എത്തേണ്ടിയിരുന്ന ബസ് വൈകിയാണ് പുറപ്പെട്ടത്.

തുടർന്ന് രാവിലെ എട്ട് മണിയോടെയാണ് കാരശേരിയിൽ വച്ച് ബസ് ഡീസൽ തീർന്ന് നിലച്ചത്.
സംഭവത്തിൽ യാത്രക്കാർ പ്രതിഷേധിച്ചെങ്കിലും പ്രശ്നം ഉടൻ പരിഹരിക്കാനായില്ല.

മറ്റ് വാഹനങ്ങളിൽ യാത്ര തുടരാൻ യാത്രക്കാർ വിസമ്മതിച്ചു. തുടർന്ന് തിരുവമ്പാടി ഡിപ്പോയിൽ നിന്ന് ഡീസൽ എത്തിച്ചാണ് ബസ് വീണ്ടും യാത്ര തുടർന്നത്. രണ്ടര മണിക്കൂർ വൈകിയാണ് ബസ് സുൽത്താൻ ബത്തേരിയിൽ എത്തിച്ചേർന്നത്.

English Summary

A KSRTC Minnal bus traveling from Thiruvananthapuram to Sulthan Bathery was stranded at Karassery in Kozhikode on Christmas Day after running out of diesel. The incident occurred due to a lapse by the driver and conductor in refueling. Several passengers, including women and children, were left stranded for over two hours before diesel was brought from the Thiruvambady depot and the journey resumed.

ksrtc-minnal-bus-stranded-diesel-christmas-kozhikode

KSRTC, Minnal Bus, Diesel Shortage, Christmas Day, Kozhikode, Karassery, Passenger Trouble, Transport News, Kerala News