കോഴിക്കോട്: കെഎസ്ആര്ടിസി ബസ് 11 കെ വി ലൈനിൽ ഇടിച്ച് അപകടം. അഞ്ചു പേർക്ക് പരിക്കേറ്റു. കോഴിക്കോട് എരഞ്ഞിക്കലിലാണ് അപകടം നടന്നത്.(KSRTC bus hits 11 KV line and accident; Five people were injured)
ഇന്ന് രാവിലെ ഏഴ് മണിയോടെ എരഞ്ഞിക്കൽ കെഎസ്ഇബിക്ക് സമീപമാണ് അപകടമുണ്ടായത്. നിയന്ത്രണം വിട്ട കെഎസ്ആര്ടിസി ബസ് 11 കെവി ലൈനില് ഇടിക്കുകയായിരുന്നു. ആരുടേയും പരിക്ക് സാരമുള്ളതല്ല.
തൊട്ടില്പ്പാലത്ത് നിന്ന് കോഴിക്കോട് ഭാഗത്തേക്ക് വരുകയായിരുന്ന കെഎസ്ആര്ടിസി ബസാണ് അപകടത്തിൽപ്പെട്ടത്. ഇടിയുടെ ആഘാതത്തില് ചെറിയ പൊട്ടിത്തെറിയുണ്ടായി. അപകടത്തിൽ കെഎസ്ഇബിക്ക് എട്ട് ലക്ഷം രൂപയുടെ നഷ്ടം ഉണ്ടായതായാണ് കണക്ക്.
