പിക്കപ്പ് വാനും കാറും കൂട്ടിയിടിച്ച് മൂന്ന് മരണം; അപകടം പുലർച്ചെ, രണ്ടുപേർക്ക് പരിക്ക്

പിക്കപ്പ് വാനും കാറും കൂട്ടിയിടിച്ച് മൂന്ന് മരണം; അപകടം പുലർച്ചെ, രണ്ടുപേർക്ക് പരിക്ക്

കോഴിക്കോട്: കുന്ദമംഗലം പതിമംഗലത്ത് പിക്കപ്പ് വാനും കാറും കൂട്ടിയിടിച്ച് ഉണ്ടായ  അപകടത്തിൽ മൂന്നുപേർ മരിച്ചു.

 കാറിലുണ്ടായിരുന്ന രണ്ട് യാത്രക്കാരും പിക്കപ്പ് വാനിന്റെ ഡ്രൈവറുമാണ് മരിച്ചത്. തിങ്കളാഴ്ച പുലർച്ചെ 2.50 ഓടെയാണ് അപകടം സംഭവിച്ചത്. 

പിക്കപ്പ് വാനിലെ ക്ലീനർ ഉൾപ്പെടെ രണ്ടുപേർക്ക് പരിക്കേറ്റിട്ടുണ്ട്.

കൊടുവള്ളി ഭാഗത്തേക്ക് പോയിരുന്ന കാറും കുന്ദമംഗലം ഭാഗത്തേക്ക് വരികയായിരുന്ന പിക്കപ്പ് വാനുമാണ് നേർക്കുനേർ കൂട്ടിയിടിച്ചത്. 

മരിച്ച കാർ യാത്രികരിൽ ഒരാൾ ഈങ്ങാപ്പുഴ സ്വദേശിയും മറ്റൊരാൾ കൊടുവള്ളി വാവാട് സ്വദേശിയുമാണെന്ന് പൊലീസ് അറിയിച്ചു. പിക്കപ്പ് വാനിന്റെ ഡ്രൈവർ വയനാട് സ്വദേശിയാണ്.

അപകട വിവരം ലഭിച്ച ഉടൻ വെള്ളിമാടുകുന്നിൽ നിന്നുള്ള അഗ്നിരക്ഷാസേന സ്ഥലത്തെത്തി. 

ഹൈഡ്രോളിക് കട്ടർ ഉൾപ്പെടെയുള്ള ഉപകരണങ്ങൾ ഉപയോഗിച്ച് വാഹനങ്ങൾ വെട്ടിപ്പൊളിച്ചാണ് കാറിൽ കുടുങ്ങിയ യാത്രക്കാരെ പുറത്തെടുത്തത്.

 പിക്കപ്പ് വാനിന്റെ കാബിൻ മുറിച്ചാണ് ഡ്രൈവറെ പുറത്തെടുത്തത്. ഗുരുതര പരിക്കുകളോടെ ആശുപത്രിയിൽ എത്തിച്ചെങ്കിലും മൂവരും മരിച്ചതായി ഡോക്ടർമാർ സ്ഥിരീകരിച്ചു.

 അപകടത്തിന്റെ കാരണം പൊലീസ് അന്വേഷിച്ചുവരികയാണ്.

 English Summary

Three people were killed in a tragic road accident at Pathimangalam in Kundamangalam, Kozhikode, when a pickup van and a car collided head-on early Monday morning. Two car passengers and the pickup van driver lost their lives, while two others were injured.

kozhikode-kundamangalam-road-accident-three-killed

Kozhikode, Kundamangalam, Road Accident, Kerala News, Pickup Van, Car Accident, Fire Force Rescue