കല്ലുമ്മക്കായ പറിക്കാന് പോയ യുവാവിനെ കടലിൽ മരിച്ച നിലയിൽ കണ്ടെത്തി
കോഴിക്കോട്: പ്രവാസിയായ യുവാവിനെ കോഴിക്കോട് കടലിൽ മരിച്ച നിലയിൽ കണ്ടെത്തി. വടകര കുരിയാടി ആവിക്കല് സ്വദേശി ഉപ്പാലക്കല് കൂട്ടില് വിദുല് പ്രസാദ് (27) ആണ് മരിച്ചത്.
കല്ലുമ്മക്കായ പറിക്കാൻ കടലിലിറങ്ങിയ യുവാവാണ് അപകടത്തിൽപ്പെട്ടത്.
ഗൾഫിൽ ജോലി ചെയ്തുവരികയായിരുന്ന വിദുല് ഏതാനും ദിവസങ്ങൾക്ക് മുൻപാണ് നാട്ടിലെത്തിയത്.
ചൊവ്വാഴ്ച വൈകിട്ട് മുതൽ യുവാവിനെ കാണാതായതിനെ തുടർന്ന് നടത്തിയ തിരച്ചിലിലാണ് രാത്രി വൈകി മൃതദേഹം കണ്ടെത്തിയത്.
വിക്കില് ബീച്ചിലെ കരഭാഗത്ത് നിന്ന് ഏകദേശം 50 മീറ്റർ അകലെയുള്ള പാറക്കെട്ടിൽ കല്ലുമ്മക്കായ പറിക്കാനാണ് വിദുല് പോയത്.
രണ്ട് സുഹൃത്തുക്കളും കൂടെയുണ്ടായിരുന്നു. കല്ലുമ്മക്കായ പറിച്ച് മടങ്ങുന്നതിനിടെയാണ് വിദുല് കടലിൽ അപ്രത്യക്ഷമായത്.
വിവരം ലഭിച്ചതോടെ നാട്ടുകാർ, കോസ്റ്റൽ പൊലീസ്, അഗ്നിരക്ഷാസേന, മുങ്ങൽ വിദഗ്ധർ എന്നിവർ ചേർന്ന് വ്യാപകമായ തിരച്ചിൽ നടത്തി.
ഇതിന് ഒടുവിലാണ് കടലിൽ നിന്ന് വിദുല് പ്രസാദിന്റെ മൃതദേഹം കണ്ടെത്തിയത്.
English Summary
A 27-year-old expatriate youth, Vidhul Prasad from Kuriyadi Avikkal in Vadakara, was found dead in the Kozhikode sea. He had gone to collect mussels from rocks about 50 meters off the Vikkal beach. Vidhul, who had recently returned from the Gulf, went missing on Tuesday evening. His body was recovered later that night following a search by locals, coastal police, fire force, and diving experts.
kozhikode-expatriate-youth-found-dead-at-sea
Kozhikode, Vadakara, Sea accident, Expatriate death, Kerala news, Mussel fishing, Coastal police
